கலாநிதி.ஆ.தியாகராசா மத்திய மகா வித்தியாலயத்தில் விஞ்ஞான ஆய்வு கூட உதவியாளராகப் பணியாற்றி இளைப்பாறிய திரு.தம்பையா பரமசாமி அவர்களின் சேவையைப் பாராட்டி கல்லூரியில் சேவைநலன் பாராட்டு விழா அண்மையில் நடைபெற்றது.

கல்லூரி அதிபர் திருமதி.வாசுகி தவபாலன் அவர்கள் தலைமையில் நடராசா ஞாபாகார்த்த மண்டபத்தில் நடைபெற்ற இவ்விழாவினை கல்லூரியின் விஞ்ஞானத்துறை ஆசிரியர்கள் ஒழுங்கமைத்திருந்தனர்.

இந்நிகழ்விற்கு பிரதம விருந்தினராக காரைநகர் கோட்டக் கல்விப் பணிப்பாளார் திரு.பு ஸ்ரீவிக்னேஸ்வரன் அவர்கள் கலந்து கொண்டு சிறப்பித்திருந்தார்.

கல்லூரியில் கடந்த பன்னிரண்டு ஆண்டு காலமாக விஞ்ஞான ஆய்வுகூட உதவியாளராகப் பணியாற்றிய திரு.தம்பையா பரமசாமி அவர்கள் தமது ஆய்வுகூட பராமரிப்பு பணிக்கு மேலதிகமாக  கல்லூரி நிர்வாகத்திற்கு தேவைப்படும் போதெல்லாம் நேர காலம் பார்க்காது அர்ப்பணிப்புடன் பணியாற்றி வந்தவர்.

கல்லூரியில் நடைபெறும் அனைத்து நிகழ்வுகளுக்கும் பக்க பலமாக இருந்து சேவையாற்றி வந்த திரு.த.பரமசாமி அவர்கள் கல்லூரி சமூகத்தைச் சேர்ந்த அனைவரினதும் நன்மதிப்பைப் பெற்றவர்.

இளைப்பாறும் திரு. தம்பையா பரமசாமி அவர்களின் சேவையைப் பராட்டி வாழ்த்துப்பா ஒன்று பாடப்பட்டு வழங்கப்பட்டதுடன் அவர் பொன்னாடை போர்த்திக் கௌரவிக்கப்பட்டார். நினைவுப் பரிசும் வழங்கப்பட்டது.

கல்லூரியின் காலவோட்டத்தில் ஒரு தசாப்த காலத்திற்கு மேலாக அர்ப்பணிப்புடன் சேவையாற்றிய திரு.தம்பையா பரமசாமி அவர்களுக்கு பழைய மாணவர் சங்க கனடாக் கிளையும் வாழ்த்துக்களையும் நன்றியையும் தெரிவிக்கின்றது.

இந்நிகழ்வில் எடுக்கப்பட்ட படங்களைக் கீழே காணலாம்.