காரைநகர் இந்துக் கல்லூரியின் இணைப்பாட விதானச் செயற்பாடுகளுக்கு மேலும் வலுவூட்டும் நோக்கில் பெண்களுக்கான ஹொக்கி அணி முதன்முறையாக உருவாக்கப்பட்டுள்ளது. இதனை ஒழுங்குபடுத்துவதற்கு பகுதிநேர ஆசிரியர் ஒருவர் நியமிக்கப்பட்டுள்ளார். இவ்வணிக்கான மேலதிக பயிற்சிகளை வழங்க பெண் பயிற்றுவிப்பாளரான செல்வி மதுசா நியமிக்கப்பட்டு கடமையாற்றுகின்றார். இருபது வயதிற்கு கீழ்ப்பட்ட பெண்கள் அணியில் 20பேர் இணைந்து பயிற்சியைப்பெற்று வருகின்றனர். இவர்களுள் 11பேரே அணியில் முழுமையாக விளையாடுகின்றனர். மேலதிகமாகவுள்ள 9பேரும் பயிற்சிகளில் ஒத்துழைப்பு வழங்கும் நோக்கில் இணைந்து பயிற்சிகளில் ஈடுபட்டுள்ளனர்.
மே மாதம் நடைபெறவுள்ள மாகாண மட்டத்திலான ஹொக்கிப் போட்டியில் கல்லூரி அணி முதன்முதலாக பங்குபற்றவிருப்பதாக அதிபர் திருமதி சிவந்தினி வாகீசன் தெரிவித்தார்.
No Responses to “காரை.இந்துவில் பெண்கள் ஹொக்கி அணி உருவாக்கப்பட்டுள்ளது.”