முதலாம் தவணைப் பரீட்சைகள் முடிவடைந்து மாணவர்களுக்குரிய மதிப்பீட்டு அறிக்கைகள் வழங்கும் நிகழ்வு கல்லூரியின் நடராசா ஞாபாகார்த்த மண்டபத்தில் அதிபர் திருமதி.வாசுகி தவபாலன் தலைமையில்; நடைபெற்றது.

இந்நிகழ்விற்கு சிறப்பு அதிதியாக தீவகக்கல்வி வலய ஆங்கில ஆசிரிய ஆலோசகர் திரு.ச.கதிரேசம்பிள்ளை அவர்கள் கலந்து சிறப்பித்திருந்தார்.

இந்நிகழ்வில் பெற்றோர்கள் மாணவர்கள், ஆசிரியர்கள் கலந்து கொண்டனர்.

வகுப்பு ரீதியாக சராசரிப் புள்ளிகளின் அடிப்படையில் முதல் 3 நிலைகளைப் பெற்ற மாணவர்கள் அவர் தம் பெற்றோருடன் மேடைக்கு அழைக்கப்பட்டு பெற்றோரினதும், வகுப்பாசிரியரினதும் ஆசியைப்பெற்ற பின்னர் ஊக்குவிப்புப் பரிசும் மதிப்பீட்டறிக்கையும் வழங்கப்பட்டது.

அத்துடன் சதுரங்கப் போட்டி போன்ற இணைப்பாட விதான செயற்பாடுகளில் சாதனை ஈட்டிய மாணவர்களுக்கான வெற்றிக் கிண்ணங்களும் சான்றிதழ்களும் இந்நிகழ்வில் வழங்கப்பட்டன.

இந்நிகழ்வில் எடுக்கப்பட்ட படங்கள் சிலவற்றை கீழே காணலாம்.