காரைநகர் இந்துக் கல்லூரி பழைய மாணவர் சங்க கனடாக் கிளையின் ஒழுங்கமைப்பில் கல்லூரியின் விசேட திட்டம் ஒன்றினை நோக்கி நடாத்தப்படுகின்ற மாபெரும் இன்னிசை நிகழ்வாகிய ‘இன்னிசை முழக்கம்’ நடைபெறுவதற்கு இன்னும் இரு வாரங்களே உள்ள நிலையில் இந்நிகழ்விற்கான ஆதரவு பெருகிவருவது குறித்து பழைய மாணவர் சங்க கனடாக் கிளை நிர்வாகம் தமது மகிழ்ச்சியினை வெளிப்படுத்துகின்றது.

கல்லூரியின் முக்கியமான தேவைகளாக இருந்து அரச உதவிகள் கிடைக்கப் பெறாதவைக்கு உதவும் வகையில் நிரந்தர வைப்புத் திட்டம் ஒன்றினை ஏற்படுத்துகின்ற செயற்பாட்டினை பழைய மாணவர் சங்க கனடாக் கிளை முன்னெடுத்துவருவது குறித்த விபரத்தினை, சங்கத்தின் நிர்வாகிகள் பழைய மாணவர்களையும், நலன் விரும்பிகளையும் நேரடியாகவும் தொலைபேசி ஊடாகவும்; அணுகி தெளிவுபடுத்தி வருகின்றனர். அதேவேளை குறித்த திட்டத்தினை நிறைவேற்றி வைப்பதற்குத் தேவையான நிதியினை திரட்டுகின்ற வகையில் நடாத்தப்படுகின்ற ‘இன்னிசை முழக்கம்’ நிகழ்வின் நுழைவு அனுமதிச் சீட்டுக்களைப் பெற்றுக்கொண்டு ஆதரவளிப்பதுடன் நிகழ்விலும் கலந்துகொண்டு கல்லூரி அன்னையை பெருமைப்படுத்துமாறும் கேட்டுவருகின்றனர். எதிர்பார்த்ததைக்காட்டிலும் அனைவரும் நுழைவு அனுமதிச் சீட்டுக்களைப் பெற்றுக்கொள்வதில் பெரும் ஆர்வத்தினைக் காட்டிவருவதுடன் மட்டுமல்லாது அனுசரணை வழங்கியும், இயன்ற நன்கொடைகளை உதவியும் வருவதன் ஊடாக கல்லூரியின் முக்கியமான திட்டத்திற்கு உதவவேண்டும் என்கின்ற நல்லெண்ணம் அனைவரிடத்திலும் மேலோங்கியிருப்பதை அவதானிக்கமுடிவதாக சங்கத்தின் சார்பில் அதன் தலைவர் திரு.நாகலிங்கம் குஞ்சிதபாதம் தெரிவித்துள்ளார்.

சங்கத்தின் நிர்வாகிகள், அனைவரையும் தனிப்பட்டமுறையில் அணுகுவதில் உள்ள சாத்தியமற்ற நிலையினைப் புரிந்துகொண்டு இத்திட்டத்தில் பங்குகொள்ள விரும்புவோர் பின்வரும் தொலைபேசி இலக்கங்களுள் ஒன்றுடன் தொடர்புகொண்டு திட்டம் குறித்து அறிந்துகொள்வதுடன் நுழைவு அனுமதிச் சீட்டுக்களைப் பெற்றுக்கொண்டும் நன்கொடைகள் வழங்கியும் ஆதரவளிக்க முன்வரவேண்டும் என பழைய மாணவர் சங்க கனடாக் கிளையின் சார்பில் அதன் தலைவர் திரு.குஞ்சிதபாதம் தயவாக வேண்டிக்கொண்டுள்ளார்.

தொடர்பு கொள்ளவேண்டிய தொலைபேசி இலக்கங்கள்:
416-804-0587 அல்லது 647-639-2930