காரை. இந்துக் கல்லூரி பழைய மாணவர் சங்கத்தின் கனடாக் கிளையினால் நடாத்தப்பட இருக்கின்ற ‘சுப்பர் சிங்கர்’ சாய் சரணின் ‘இன்னிசை முழக்கம்’ இசை நிகழ்விற்கு வாழ்த்துச் செய்தி வழங்குவதில் பெருமகிழ்வடைகின்றேன்.

எமது பிரதேச சிறார்களின் கல்வி வளர்ச்சிக்கு அரும்பணியாற்றி வருகின்ற காரைநகர் இந்துக் கல்லூரி எமது பிரதேசத்தின் தலை என எல்லோராலும் சிறப்பிக்கப்படுகின்ற ஒரு முக்கிய பாடசாலையாகும். 132 ஆண்டுகள் பழமையான எம் கல்லூரி அதன் பாரம்பரிய அம்சங்களை தன்னகத்தேகொண்டு சிறப்பாக இயங்கிவருகின்றது.

இற்றைக்கு ஏழு ஆண்டுகளுக்கு முன்னர் கல்லூரியின் வளர்ச்சிகருதி ஆரம்பிக்கப்பட்ட பழைய மாணவர் சங்கத்தின் கனடாக் கிளை எம் கல்லூரியின் வளர்ச்சிக்கு மகத்தான உதவிகளை வழங்கி வருவது மட்டுமல்லாது அதன் புகழை மேலோங்கச் செய்வதிலும் பெரும் பங்களிப்பினை வழங்கி வருவது விதந்து போற்றுதற்குரியதாகும்.

மேலதிக மின்கட்டணம், மேலதிக தொலைபேசிக் கட்டணம,; குடிநீர்க்கட்டணம் போன்ற அடிப்படைத் தேவைகளிற்கு நிந்தரமாக உதவக்கூடிய உதவித் திட்டத்தனை உருவாக்கும் உயரிய நோக்குடன் எதிர்வரும் மே 19ஆம் திகதி இச்சங்கத்தினால் நடாத்தப்படவுள்ள ‘இன்னிசை முழக்கம்’ இசை நிகழ்விற்கு கனடாவாழ் பழைய மாணவர்களும் காரைநகர் மக்களும் முழுமையான ஆதரவினை வழங்குவார்கள் என நம்புவதுடன் இந்நிகழ்வு பெரு வெற்றியாக அமைந்து விளங்க கல்லூரிச் சமூகத்தின் சார்பில் உளமார்ந்த வாழ்த்துக்களைத் தெரிவித்துக்கொள்கின்றேன்.

திருமதி சிவந்தினி வாகீசன்
அதிபர்