காரை.இந்து அன்னையின் மகிமைமிக்க புதல்வர்களுள் ஒருவரும், பழைய மாணவர் சங்க கனடாக் கிளையின் உறுப்பினரும் அதன் செயற்பாடுகளுக்கு முதன்மை அனுசரணையாளராகவும்; முதன்மைப் பங்களிப்பாளராகவும் இருந்து வருபவரும் ‘மருத்துவகலாநிதி வி.விஜயரத்தினம் நம்பிக்கை நிதியத்தின்’ நிறுவுநருமாகிய குழந்தைகள் மருத்துவநிபுணர் மருத்துவகலாநிதி வி.விஜயரத்தினம் அவர்கள் இன்று 26-06-2019 செவ்வாய்க்கிழமை கல்லூரிக்குப் பயணம் செய்திருந்தார்.
கல்லூரியின் அதிபர் திருமதி சிவாந்தினி வாகீசன் அவர்களுடன் கல்லூரியின் வளர்ச்சி சார்ந்து பல்வேறு விடயங்களையும் கலந்துரையாடிய இவர் ‘மருத்துவகலாநிதி வி.விஜயரத்தினம் நம்பிக்கை நிதியத்தின்’ பயன்பாடு குறித்து சிறப்பாக கேட்டறிந்துகொண்டார். இந்நிதியத்தின் பயன்பாட்டில் திருப்தி தெரிவித்த இவர் நிதியத்தின் வைப்புத்தொகையினை அதிகரிக்கவுள்ளமை குறித்த மகிழ்ச்சியான செய்தியையும் அதிபரிடம் தெரியப்படுத்தியிருந்தார். பழைய மாணவர் சங்க கனடாக் கிளையினால் கல்லூரியின் மேம்பாடு நோக்கி அண்மையில் நடாத்தப்பட்டிருந்த ‘இன்னிசை முழக்கம்’ இசை நிகழ்வு வெற்றிகரமாகவும், சிறப்பாகவும் நடந்தமை குறித்த செய்தியையும் மருத்துவகலாநிதி வி.விஜயரத்தினம் அவர்கள் அதிபருடன் பகிர்ந்துகொண்டிருந்தார். அதிபரின் அலுவலகத்தில் நடைபெற்ற இவருடனான கலந்துரையாடலின்போது உப அதிபர் திரு.தெ.லிங்கேஸ்வரன் அவர்களும் சமூகமளித்திருந்தார்.

கல்லூரியின் அதிபரும், உப அதிபரும் மருத்துவகலாநிதி வி.விஜயரத்தினம் அவர்களுடன் இணைந்து எடுத்துக்கொண்ட புகைப்படங்களை கீழே பார்வையிடலாம்: