கலாநிதி ஆ.தியாகராசா மத்திய மகா வித்தியாலயத்தில் வாணி விழா வெள்ளிக்கிழமை(03.10.214) அன்று கல்லூரியின் இந்துமா மன்றத்தின் ஏற்பாட்டில் பொறுப்பாசிரியர்; திருமதி.சங்கீதா பிரதீபனின் வழிநடத்தலில் மிகச் சிறப்பாக நடைபெற்றது.

ஆண்டுதோறும் நவராத்திரி காலங்களில் பாடசாலை நடராசா மண்டபத்தில் அமைக்கப்பட்டுள்ள கலைமகள் கோவிலில் கொலு வைக்கப்பட்டு தினமும் பூசை வழிபாடுகள் நடைபெற்று சொற்பொழிவுகள், கலைநிகழ்வுகள் இடம்பெற்று இறுதிநாளான விஜயதசமி நாளில் வாணி விழா மிகச் சிறப்பாகக் கொண்டாடப்படுவது வழமையாகும்.

அந்த வகையில் இவ்வாண்டும் கலாநிதி ஆ.தியாகராசா மத்திய மகா வித்தியாலயத்தின் இந்துமா மன்றத்தினால் ஏற்பாடு செய்யப்பட்டு கல்லூரியின் நடராசா ஞாபாகார்த்த மண்டபத்தில் நடைபெற்ற வாணிவிழா கல்லூரி அதிபர் திருமதி.வாசுகி தவபாலன் தலைமையில் நடைபெற்றது.

அன்றைய தினம் மண்டபத்தில் உள்ள கலைமகள் கோவிலில் நடைபெற்ற பூசை வழிபாடுகளைத் தொடர்ந்து விழா நிகழ்வுகள் தொடங்கின.
நடராசா ஞாபாகார்த்த மண்டப முன்றலில் சிறப்பான பொங்கல் பொங்கி அவல், கடலை, போன்ற உணவுகள் படைத்து அதிபர், ஆசிரியர், மாணவர்கள் சிறப்பாகக் கொண்டாடினார்கள். இதில் மாணவர்களின் நிகழ்ச்சிகளும் இடம்பெற்றன. ஏடு தொடக்கல் நிகழ்வுகளும் இடம்பெற்றது.

மாணவர்களின் கலை நிகழ்வுகளை அடுத்து வாணி விழாவினையொட்டி பாடசாலையில் நடத்தப்பட்ட கோலமிடுதல், மாலை கட்டுதல், பண்ணிசை, பேச்சுப் போட்டிகளில் வெற்றி பெற்ற மாணவர்களுக்கான பரிசில்கள் வழங்கப்பட்டன.

விழாவில் எடுக்கப்பட்ட படங்களைக் கீழே காணலாம்.