சென்ற ஆகஸ்டு மாதம் 2018ம் ஆண்டு நடைபெற்ற க.பொ.த உயர்தரப் பரீட்சைப் பெறுபேறுகளின் அடிப்படையில் பல்கலைக்கழக அனுமதிக்கான வெட்டுப்புள்ளி விபரம் ஸ்ரீலங்கா பல்கலைக்கழக மானியங்கள் ஆணைக்குழுவினால் (University Grants Commission, Srilanka.) அண்மையில் வெளியிடப்பட்டுள்ளது.
குறித்த வெட்டுப்புள்ளிகளின் அடிப்படையில் காரை.இந்துவிலிருந்து நான்கு மாணவர்கள் பல்கலைக்கழக அனுமதியைப் பெற்றுள்ளதாகவும் அவர்களின் விபரத்தையும் கல்லூரியின் அதிபர் திருமதி சிவந்தினி வாகீசன் அறியத்தந்துள்ளார்.

அனுமதியைப் பெற்றுக்கொண்ட மாணவர்கள், அவர்களுக்கான துறை, அனுமதியைப் பெற்றுக்கொண்ட பல்கலைக்கழகம் என்பன குறித்த விபரம் கீழே தரப்படுகிறது:

1. செல்வன் சிவனேஸ்வரன் கிருஸ்ணா – உயிர்முறைமைகள் தொழினுட்பவியல், கொழும்பு பல்கலைக்கழகம்.

2. செல்வன் சண்முகரட்ணம் சஜீபன் – உயிர்முறைமைகள் தொழினுட்பவியல், ராஜரட்ட பல்கலைக்கழகம்

3. செல்வன் சிவசுப்பிரமணியம் தூயவன் – திட்டமிடல் முகாமைத்துவம், வவுனியா வளாகம், யாழ்ப்பாணப் பல்கலைக்கழகம்.

4. செல்வி கிருபானந்தராசா பிரியா – சங்கீதம், இராமநாதன் நுண்கலைப்பீடம், யாழ்ப்பாணப் பல்கலைக்கழகம்.

கல்லூரிக்கு பெருமை சேர்த்துள்ள மாணவர்களையும் அவர்களுக்கு கல்வி போதித்த ஆசிரியர்களையும் கல்லூரிச் சமூகத்துடன் இணைந்து பழைய மாணவர் சங்கத்தின் கனடாக் கிளை பாராட்டி வாழ்த்துவதில் பெருமகிழ்ச்சியடைகின்றது.