தீவக கல்விப் பணிப்பாளராகப் பணியாற்றிய உயர்திரு.ஆறுப்பிள்ளை இளங்கோ அவர்கள் இன்று 02-08-2019 ஆம் திகிதி தமது 60வது வயதில் ஓய்வுபெறுகின்றார். இவரது அர்ப்பணிப்பும், நிர்வாகத்திறனும் மிக்க சேவையினால் தீவக கல்வி வலயத்திற்கு உட்பட்ட பாடசாலைகள் பலவகையிலும் முன்னேற்றம் பெற்று நன்னிலையடைந்துள்ளதாக அறயப்படுகிறது. ஆசிரியர்களினதும், மாணவர்களினதும் நலனிலும் கடமை, கட்டுப்பாடு, ஒழுக்கத்திலும் அக்கறையுடன் செயலாற்றியதுடன்  அவை சார்ந்த விதிமுறைகளை அமுலாக்குவதில் மிகுந்த கண்டிப்புடன் செயலாற்றியதன் ஊடாக அவை மேம்பட வழியேற்படுத்தினார். அதேவேளை ஆசிரியர்களதும் மாணவர்களதும் நியாயமான தேவைகளை நிறைவுசெய்தும் குறைகளை நீக்கியும்வைத்து பாராட்டும்படியாக சிறப்பான சேவையாற்றினார்.

உயர்திரு. இளங்கோ அவர்கள் இன்று மணிவிழா கொண்டாடுவதையிட்டு  இளங்கோ அவர்களின் அளப்பரிய சேவையினை காரைநகர் இந்துக் கல்லூரிச் சமூகமும் நன்றியுடன் நினைவுகூருவதுடன்   அவரது சேவையைப் பாராட்டியும்  ஓய்வுகாலம் சிறக்க வாழ்த்தியும்  கல்லூரிச் சமூகத்தின் சார்பில் வழங்கப்பட்ட மங்கல வாழ்த்துப்பாவினை கீழே பார்வையிடலாம்: