கலாநிதி சிவலோகநாதன், சாந்தி தம்பதிகளின் இரட்டைப் புதல்விகளும் (Twin Sisters) கர்நாடக இசை உலகின் புகழ்பூத்த மூத்த இசைக் கலைஞர் “இன்னிசை வேந்தர்” பொன்.சுந்தரலிங்கம் அவர்களின் மாணவிகளுமான செல்வி ஸ்ரேயா, செல்வி நேத்ரா சகோதரிகளின் வாய்ப்பாட்டு அரங்கேற்றம் எதிர்வரும் 17-08-2019 சனிக்கிழமை மாலை 5.00மணிக்கு ஸ்காபுரோ Armenian Youth Centre அரங்கில் நடைபெறவுள்ளது.

அரங்கேற்ற நங்கைகளின் தந்தையாரான கலாநிதி சிவலோகநாதன் பாலசுப்பிரமணியம், காரைநகர் மாப்பாணவூரியை பிறப்பிடமாகவும் வதிவிடமாகவும் கொண்டிருந்தவர். Marine Biology இல் கலாநிதிப் பட்டத்தினைப் பெற்றுக்கொண்ட இவர் சிங்கப்பூர் தேசியப் பல்கலைக்கழகத்தில் Senior Research  Assistant ஆகப் பணியாற்றியவர். தாயார் திருமதி சாந்தி சிவலோகநாதன் இடைக்காடு, அச்சுவேலியைச் சேர்ந்தவர். இவர் யாழ் பல்கலைக்கழக விஞ்ஞானப் பட்டதாரி என்பதுடன் கனடாவில் Physiotherapist ஆக பணியாற்றி வருகின்றார்.

அரங்கேற்ற சகோதரிகள் காரை.இந்து பழைய மாணவர் சங்க கனடாக் கிளையின் தொடர்பு மிக்க உறுப்பினர் திரு.பாலசுப்பிரமணியம், உறுப்பினரான திருமதி ஜெயமணி பாலசுப்பிரமணியம் ஆகியோரின் பேத்திகள் என்பதுடன் சங்கத்தின் முதன்மை அநுசரணையாளர்களுள் ஒருவரும் காரைநகரில் முன்னெடுக்கப்படும் பல பணிகளுக்கு உதவி வருபவருமான தொழிலதிபர் மகாதேவன் பாலசுப்பிரமணியம் அவர்களின் பெறா மக்கள் இவர்கள் என்பதும் குறிப்பிடத்தக்கதாகும்.

தமது பிள்ளைகளின் அரங்கேற்ற நிகழ்வில் கலந்து கொண்டு அவர்களை வாழ்த்தி ஊக்குவிக்குமாறு செல்வி ஸ்ரேயா, செல்வி நேத்ரா சகோதரிகளின் பெற்றோரான கலாநிதி சிவலோகநாதன், சாந்தி தம்பதியினர். இசை ஆர்வலர்களை அன்போடு அழைக்கின்றனர்.

அரங்கேற்ற நிகழ்வின் அழைப்பிதழ் கீழே இணைக்கப்பட்டுள்ளது: