நல்லூர் கந்தசுவாமி ஆலய உற்சவத்தினை முன்னிட்டு அவ்வாலயத்தின் சுற்றாடலில், பல்வேறு அமைப்புக்களினால் ஆன்மீக மற்றும் கலை நிகழ்வுகள் முன்னெடுக்கப்பட்டு வருகின்ற வரிசையில் யாழ்ப்பாணத் தமிழ் சங்கத்தினால் கலை நிகழ்ச்சிகள் நடத்தப்பட்டு வருகின்றன. இச்சங்கத்தினால் எதிர்வரும் 20ஆம் திகதி செவ்வாய்க்கிழமை நடத்தப்படவுள்ள  “சைவம் தழைத்தோங்க”  என்ற தொனிப் பொருளிலான நிகழ்வில் காரைநகர் இந்துக் கல்லூரியைச் சேர்ந்த மாணவர்களின் கலை நிகழ்ச்சிகள் இடம்பெறவுள்ளன என்பதுடன் இக்கலை நிகழ்ச்சிகளை  DAN தொலைக்காட்சி நிறுவனத்தினர் ஓம் TV ஊடாக இரவு 7.30மணி தொடக்கம் 9.00மணிவரை நேரலையாக ஒளிபரப்புச் செய்யவுள்ளதாகவும் கல்லூரியின் அதிபர் திருமதி சிவந்தினி வாகீசன் எமது இணையத்தளத்திற்கு அறியத்தந்துள்ளார்.

இக்கலை நிகழ்ச்சிகளுக்கான அநுசரணையினை பழைய மாணவர் சங்கத்தின் கனடாக் கிளை வழங்குகின்றது என்பது குறிப்பிடத்தக்கதாகும்.