கர்நாடக இசை உலகில் பிரபல்யமபெற்று விளங்கும் முன்னணி, மூத்த இசைக் கலைஞர் “இன்னிசைவேந்தர்” பொன்.சுந்தரலிங்கம் அவர்களின் மாணவிகளான செல்வி நிதுஷா பரமானந்தராஜா, செல்வி நிலானி பரமானந்தராஜா ஆகியோரின் கர்நாடக வாய்ப்பாட்டு அரங்கேற்றம் எதிர்வரும் 31ஆம் திகதி சனிக்கிழமை மாலை 5.00மணிக்கு Richmondhill Centre for the Performing Arts அரங்கில் சிறப்பாக நடைபெறவுள்ளது.

அரங்கேற்றம் காணவுள்ள சகோதரிகள் காரைநகரைச் சேர்ந்த தம்பிஐயா பரமானந்தராஜா, பவானி தம்பதியினரின் புதல்விகளாகும். அரங்கேற்றச் சகோதரிகளின் தந்தையாரான திரு.பரமானந்தராஜா நிர்மாணத் தொழில் நிறுவனமொன்றில் பட்டயக் கணக்காளராக (CPA) பணிபுரிபவர். கனடா-காரை கலாசார மன்றத்தின் தலைவராகப் பதவி வகித்து காரை.மண்ணுக்கான பல பணிகளை முன்னெடுத்து சேவையாற்றிய இவர் காரைநகர் இந்துக் கல்லூரி பழைய மாணவர் சங்க கனடாக் கிளையின் பணிகளிலும் அதிக ஈடுபாடுகொண்டு செயலாற்றி வருகின்ற சங்கத்தின் உறுப்பினர் என்பதும் குறிப்பிடத்தக்கதாகும்.

தமது பிள்ளைகளின் அரங்கேற்ற நிகழ்வில் இசை ரசிகர்கள் அனைவரும் கலந்துகொண்டு அவர்களை வாழ்த்தி ஊக்குவிக்குமாறு திரு.பரமானந்தராஜா, பவானி தம்பதியினர் அன்புடன் வேண்டிக்கொண்டுள்ளனர்.

அரங்கேற்ற நிகழ்வின் அழைப்பிதழுடன் அரங்கேற்றம் காணவுள்ள சகோதரிகளின் புகைப்படங்களும் கீழே இணைக்கப்பட்டுள்ளன:செல்வி நிதுஷா பரமானந்தராஜா

 செல்வி நிலானி பரமானந்தராஜா