கனடாவில் சிவபதம் அடைந்த திருமதி சரஸ்வதி திருவேங்கடம் அவர்களிற்கு காரைநகர் இந்துக் கல்லூரியின் அதிபர் திருமதி சிவந்தினி வாகீசன் அவர்களின் தலைமையில் 10-09-2019 செவ்வாய்க்கிழமை அன்று அஞ்சலி செலுத்தப்பட்டது. நடராசா ஞாபகார்த்த மண்டபத்தில் கூடிய மாணவர்களும் ஆசிரியர்களும் இவ் அஞ்சலி நிகழ்வில் கலந்துகொண்டனர்.

மறைந்த திருமதி சரஸ்வதி அவர்களின் பிள்ளைகள் பழைய மாணவர் சங்க கனடாக் கிளையின் ஊடாக கல்லூரியின் வளர்ச்சிக்கு உதவி வருவது குறித்து சிறப்பாக அன்னாரது மகனான தற்போதய உதவிப் பொருளாளர் திரு.சந்திரசோதி அவர்களினதும், மகளான முன்னாள் நிர்வாக சபை உறுப்பினர் திருமதி ஸ்ரீலதா அவர்களினதும், மருமகனான தற்போதய தலைவர் திரு.நாகலிங்கம் குஞ்சிதபாதம் அவர்களினதும் கல்லூரிக்கான விசுவாசம் மிக்க சேவைகளை தமது அஞ்சலி உரையில் அதிபர் பாராட்டியிருந்ததுடன் அமரர் திருவேங்கடம் நினைவாக திருமதி சரஸ்வதி திருவேங்கடம் குடும்பத்தினர் கல்லூரியின் சிற்றுண்டிச் சாலையினை அமைக்க உதவிபுரிந்ததையும நன்றியுடன்; நினைவுகூர்ந்தார்.

திருமதி சரஸ்வதி அவர்களின் ஆத்ம சாந்திக்காக அனைவரும் எழுந்துநின்று அகவணக்கம் செலுத்தியிருந்தனர்.