காரைநகர் இந்துக் கல்லூரியின் முன்னாள் அதிபரும், கல்லூரியின் பழைய மாணவியும் யாழ்ப்பாணம் வைத்தீஸவராக் கல்லூரியின் அதிபருமாகிய திருமதி வாசுகி தவபாலன் அவர்கள் சிறந்த அதிபருக்கான ‘குரு பிரதீபா பிரபா’ விருதினைப் பெற்றுக் கொண்டமை குறித்து அவரை பாராட்டி காரை.இந்துக் கல்லூரிச் சமூகத்தின் சார்பில் கல்லூரியின் அதிபர் திருமதி சிவந்தினி வாகீசன் அவர்கள் எமது இணையத்தளத்திற்கு செய்தி ஒன்றினை வழங்கியுள்ளார்.

திருமதி சிவந்தினி வாகீசன் தமது செய்தியில் குறிப்பிடுகையில், எமது கல்லூரியின் முதுகெலும்பாயிருந்து தனது நிர்வாகத் திறனாலும் தூர நோக்கினாலும் கல்லூரியில் கல்வி, கலை,விளையாட்டு, முகாமைத்துவம் முதலியவற்றில் பெருவளர்ச்சியை ஏற்படுத்தித் தந்தவர் திருமதி வாசுகி தவபாலன் அவர்கள். இவரது காலத்திலேயே எம் கல்லூரியில் ஒழுங்கமைக்கப்பட்ட நிகழ்வுகள் இடம்பெற்றமையும் கல்லூரியின் பௌதீகவளச் சூழல் அழகாக்கப்பட்டமையும் குறிப்பிடத்தக்கதாகும். திருமதி வாசுகி தவபாலனின் நிர்வாகத் திறனின் பெறுபேறுகளை இன்றும் எம் கல்லூரி பெற்றுவருகின்றமை எமக்கு கிடைத்த பாக்கியமாகும். இவரின் பணி மேன்மேலும் தொடர கல்லூரிச் சமூகம் சார்பாக பாராட்டி வாழ்த்துவதாக திருமதி சிவந்தினி வாகீசன் தமது செய்தியில் மேலும் குறிப்பிட்டுள்ளார்.

விருது வழங்கிய விழாவின்போது எடுக்கப்பட்ட சில புகைப் படங்களை கீழே பார்வையிடலாம்: