அடக்கம், அமைதி, பண்புமிக்க ஆசிரியர் சுப்பிரமணியம் துரைசாமி அவர்கள் மறைந்தார் என்ற செய்தியை கலாநிதி.ஆ.தியாகராசா மத்திய மகா வித்தியாலய பழைய மாணவர் சங்க கனடாக் கிளையின் இணையத் தளம ஊடாக அறிந்து ஆழந்த கவலை அடைந்தோம்

அன்னார் சுந்தரமூர்த்திநாயனார் வித்தியாலயத்தில் ஐந்தாம் வகுப்பு வரை படித்தவர். அக்காலத்தில் நானும் அவருடன் படித்த சக மாணவன். திரு. துரைசாமி ஐந்தாம் வகுப்பு புலமைப் பரிசில் பெற்று வேலனை மத்திய மகா வித்தியாலத்தில் மேல்கல்வியைத் தொடர்ந்தார். நான் கலாநிதி.ஆ.தியாகராசா மத்திய மகா விததியாலயத்தில் (காரைநகர் இந்துக் கல்லூரி) எனது உயர்கல்வியைத் தொடர்ந்தேன்.

அன்று சுந்தரமூர்த்திநாயனார் வித்தியாலய தலைமை ஆசிரியர் கார்திகேசு உபாத்தியார். தலைசிறந்த தலைமை ஆசிரியர். அவருடைய பாராட்டைப்பெற்ற திரு.துரைசாமி கலாநிதி.ஆ.தியாகராசா மத்திய மகா வித்தியாலயத்தில் கணித ஆசிரியராகப் பணியாற்றிய காலத்திலும் கல்லூரி அதிபரின் பாராட்டைப் பெற்றவர்.  அவரது கல்வித் திறனும் ஒழுக்க நெறியும் இப்பாராட்டுகளுக்குக் காரணம்.

நல்ல மாணவனாகவும் திறமையான  ஆசிரியராகவும் வாழ்ந்து வந்த சுப்பிரமணியம் துரைசாமி ஆசிரியரின் மறைவால் ஆழ்ந்த துயரிலிருக்கும்  மனைவி மக்கள், உற்றார் உறவினருக்கு சுந்தரமூர்த்தி நாயனார் வித்தியாலய பழைய மாணவர்கள் சார்பில் ஆழ்ந்த கவலையையும் அனுதாபத்தையும் தெரிவித்துக் கொள்கிறோம்.

அன்னாரின் ஆத்மா சாந்தியடைய பாலாவோடை அமபாளைப் பிரார்த்திப்போமாக

ஐ.தி.சம்பந்தன்
போசகர்
சுந்தரமூர்த்தி நாயனார் வித்தியாலயம்
பாலாவோடை தமிழக் கலவன் பாடாலை
பழைய மாணவர் சங்கம்(பிருத்தானியா)