கல்வி, இனம், மொழி, விடுதலை, ஊர், மனிதநேயம் என்பன சார்ந்து மக்கள் பணியாற்றிய சேவையாளரும், கல்வி உலகம் போற்றிய ஆற்றல் மிக்க ஆங்கிலப் பேராசிரியரும், பன்முக ஆற்றலும் ஆளுமையும் கொண்டு விளங்கிய கலாநிதி ஜோன் மனோகரன் கென்னடி விஜயரத்தினம் அவர்களின் இரண்டாவது ஆண்டு நினைவு அஞ்சலி நிகழ்வு 10-01-2020 வெள்ளிக்கிழமை பிற்பகல் 3.00 மணிக்கு காரைநகர் இந்துக் கல்லூரி நடராசா ஞாபகார்த்த மண்டபத்தில் நடைபெறுவதற்கு ஏற்பாடாகியுள்ளது. இந்நிகழ்வில் மாணவர்களுக்கான ஊக்குவிப்பு நிதியும் வழங்கப்படவுள்ளமை குறிப்பிடத்தக்கதாகும்.

அமரர் கென்னடி அவர்கள் காரைநகர் இந்துக் கல்லூரி பழைய மாணவர் சங்க கனடாக் கிளையின் நேச அமைப்பாகிய சுவிஸ்-காரை அபிவிருத்திச் சபையின் மொழி,கல்வி, கலை மேம்பாட்டுக் குழுவை தோற்றுவித்தது மட்டுமல்லாது அதன் தீவிர செயற்பாட்டு உறுப்பினராகப் பணியாற்றி காரை. மாணவர்களின் மொழி, கல்வி, கலை மேம்பாட்டிற்காக அயராது உழைத்திருந்தவர் என்பதும் இத்தருணத்தில் நினைவுகூரத்தக்கதாகும்.

காரைநகர் இந்துக் கல்லூரியின் மகிமை மிக்க பழைய மாணவனாகிய அமரர் கென்னடி அவர்களை பழைய மாணவர் சங்கத்தின் கனடாக் கிளையும் இத்தருணத்தில் நினைவுகூருகின்றது.

நினைவு அஞ்சலி நிகழ்வு குறித்த அறிவித்தல் பிரசுரங்களை கீழே பார்வையிடலாம்: