கனடாவில் பழைய மாணவர் சங்கத்தின் கனடாக் கிளை ஏழு ஆண்டுகளிற்கு முன்னர் உருவாக்கம் பெற்று காரை இந்துவின் வரலாற்றுப் பக்கங்களில் புதிய அத்தியாயம் ஒன்று தோற்றுவிக்கப்பட்டிருந்தது. பழைய மாணவர் சங்கத்தின் கனடாக் கிளை காரை.இந்துவின் வளர்ச்சி என்கின்ற உன்னதமான இலக்கினை நோக்கிய ஏழு ஆண்டு கால தனது வரலாற்றுப் பயணத்தில்; அரச உதவிகள் கிடைக்கப்பெறாத கல்லூரிக்கான அவசிய தேவைகளிற்கு தற்காலிக உதவிகளை வழங்கி வந்த அதேவேளையில், அவற்றிற்கு நிரந்தரமான உதவிகள் கிடைப்பதற்கான திட்டங்களையும் ஏற்படுத்தி வந்துள்ளது. அந்த வரிசையில் கல்லூரியின் அவசிய தேவைகளான மின்சாரப் பாவனை, தொலைபேசிச் சேவை, இணைய சேவை(Wi-Fi), குடிநீர்த் தேவை, பண்பாடு பேணுதல்(விருந்தினர் உபசரணை), நானாவித தேவைகள் ஆகியவற்றிற்கு நிரந்தர உதவிகள் கிடைக்;கக்கூடியவகையில் வங்கி நிரந்தர வைப்பு உதவித் திட்டத்திற்கு இருபது இலட்சம் ரூபாவினை உதவியுள்ளதன் மூலம் பழைய மாணவர் சங்கத்தின் கனடாக் கிளை மற்றுமோர் வரலாற்றுப் பணியினை வெற்றிகரமாக நிறைவுசெய்துள்ளது.
சென்ற ஆண்டு மே மாதம் பழைய மாணவர் சங்கத்தின் கனடாக் கிளையினால் நடாத்தப்பட்டிருந்த ‘சுப்பர் சிங்கர்’ சாயி சரணின் இன்னிசை முழக்கம் நிதிசேர் நிகழ்ச்சிக்கு பழைய மாணவர்களும், அனுசரணையாளர்களும், நலன் விரும்பிகளும் வழங்கியிருந்த பேராதரவின் காரணமாக மேற்குறிப்பிட்ட நிரந்தர வைப்புத் திட்டத்திற்கான இருபது இலட்சம் ரூபாவினையும் திரட்ட முடிந்தமை இத்தருணத்தல் குறிப்பிடத்தக்கதாகும்.
No Responses to “பழைய மாணவர் சங்க கனடாக் கிளையின் காரை.இந்துவின் வளர்ச்சியை நோக்கிய வரலாற்றுப் பயணத்தில் ஏற்படுத்தப்பட்ட மற்றுமொரு மைல் கல்! கல்லூரியின் அவசியத் தேவைகளிற்கான உதவித் திட்டத்திற்கு இருபது இலட்சம் ரூபா உதவி!”