காரைநகர் இந்துக் கல்லூரியின் மேம்பாட்டு நிதிக்காக பழைய மாணவர் சங்க கனடாக் கிளையினால் எதிர்வரும் மே 09ஆம் திகதி சனிக்கிழமை நடாத்தத் திட்டமிடப்பட்டிருந்த ‘சுப்பர் சிங்கர்’ ராஜகணபதியின் ‘இன்னிசை வசந்தம்’ இசை நிகழ்வு காலவரையறையின்றி பிற்போடப்பட்டுள்ளதாக பழைய மாணவர் சங்க கனடாக் கிளையின் நிர்வாகம் உறுப்பினர்கள், பழைய மாணவர்கள், நலன் விரும்பிகள், அனுசரணையாளர்கள் ஆகியோரின் கவனத்திற்கு அறியத்தருகிறது.

கொரோனா வைரஸ் தொற்றின் பரம்பல் காரணமாக உலகளாவிய ரீதியிலும் கனடாவிலும் நிலவி வருகின்ற அசாதாரண சூழ்நிலையினால் இந்நிகழ்வினை பிற்போடுகின்ற கட்டாய நிலை ஏற்பட்டுள்ளது என்பதுடன் நிலைமை சீரடைந்து சாதாரணநிலைக்குத் திரும்பியதும் இந்நிகழ்வு நடைபெறவுள்ள திகதி குறித்து தீர்மானிக்கப்பட்டு அனைவருக்கும்; அறியத்தரப்படும் என நிர்வாகத்தினால் அறிவிக்கப்படுகிறது.