இடைப்பிட்டி, காரைநகரை பிறப்பிடமாகவும் வதிவிடமாகவும் கொண்டிருந்து தற்போது ஒட்டாவா, கனடாவில் வசித்து வந்தவரும் எமது சங்கத்தின் உறுப்பினராகவிருந்து பாடசாலையின் வளர்ச்சிக்கு சிறப்பாக இசைத்துறை வளர்ச்சித் திட்டத்தினை முன்னெடுக்க உதவி வந்தவரும், ஓய்வுநிலை ஆங்கில ஆசிரியருமாகிய திரு.தம்பிப்பிள்ளை பொன்னம்பலம் அவர்கள் இன்று 08-09-2020 செவ்வாய்க்கிழமை சிவபதம் அடைந்துள்ளார் என்ற செய்தியை ஆழ்ந்த துயருடன் அறியத்தருகின்றோம்.

அன்னார், எமது சங்கத்தின் ஆரம்பகர்தாக்களுள் ஒருவரும் இவ்விணையத்தளத்தை சிறப்பாக நிர்வகித்து அதன் வளர்ச்சியிலும் சங்கத்தின் வளர்ச்சியிலும் அளப்பரிய பங்கு கொண்ட முன்னாள் இணையத்தள நிர்வாகியும், நிர்வாகசபை உறுப்பினருமான திருமதி கிருஸ்ணவேணி சோதிநாதன் அவர்களினதும், சங்கத்தின் உறுப்பினர் திரு.வெற்றிவேல் அவர்களினதும் அன்புத் தந்தையாரும் எமது சங்கத்தின் உருவாக்கத்திற்கு உழைத்ததுடன் ஆரம்பகாலப் பொருளாளராகவிருந்து பெரும்பணியாற்றியிருந்தவருமான திரு.ஆறுமுகம் சோதிநாதன் அவர்களினது அன்பு மாமனாரும் ஆவார்.

அன்னாரது ஆத்மா சாந்தியடைய இறைவனைப் பிரார்த்திக்கின்றோம்.

காரை.இந்து பழைய மாணவர் சங்கம், கனடா.