கலாநிதி விளையாட்டுக் கழகத்தினால் முன்னெடுக்கப்பட்டு வருகின்ற சமூகநலன் சார்ந்த செயற்பாடுகளின் வரிசையில் காரைநகர் இந்துக் கல்லூரியின் வடக்கு வளாகத்தினை சிரமதானம் மூலமாக துப்பரவாக்கும் பணி சென்ற 13-12-2020 ஞாயிற்றுக்கிழமை முன்னெடுக்கப்பட்டிருந்தது. கழகத்தின் பதினைந்து உறுப்பினர்கள் வரை இச்சிரமதானப் பணியில் ஈடுபட்டு புற்களை வெட்டியும், கூட்டியும் சிறந்தமுறையில் கல்லூரி வளாகத்தினை துப்பரவு செய்திருந்தனர். கல்லூரியின் அதிபர் திரு.அ.ஜெகதீஸ்வரன் அவர்களும் கழக உறுப்பினர்களுடன் இணைந்துகொண்டு சிரமதானப் பணியினை மேற்கொண்டதன் மூலம் அவர்களை உற்சாகப்படுத்தி ஊக்குவித்திருந்தார்.

சிரமதானப் பணியினை தாமாகவே முன்வந்து முன்னெடுத்திருந்த கலாநிதி விளையாட்டுக் கழகத்தின் நிர்வாகத்தையும் இச்சிரமதானப் பணியில் ஈடுபட்டு; கல்லூரியின் வளாகத்தினை சிறந்த முறையில் துப்பரவு செய்ததன்மூலம் கல்லூரிச் சூழலை அழகாகவும், சுகாதாரமாகவும் பராமரிக்க உதவிய கழக உறுப்பினர்கள் அனைவரையும் கல்லூரிச் சமூகத்தின் சார்பில் பாராட்டி உளமார்ந்த நன்றியையும் கல்லூரியின் அதிபர் திரு.அ.ஜெகதீஸ்வரன் அவர்கள் தெரிவித்துள்ளார்.

சிரமதானப் பணியின்போது எடுக்கப்பட்டிருந்த சில புகைப் படங்கள் சில கீழே இணைக்கப்பட்டுள்ளது: