தேசிய வாசிப்பு மாதத்தை முன்னிட்டு காரைநகர் பிரதேச சபை மண்டபத்தில் 18-12-2020 அன்று பிரதேச சபைத் தலைவர் திரு.வி.கேதீஸ்வரதாசன் அவர்களின் தலைமையில் நடைபெற்ற நிகழ்வில் இந்துக் கல்லூரி, யாழ்ற்ரன் கல்லூரி ஆகியவற்றிலிருந்து 2019ஆம் ஆண்டு க.பொ.த.உயர்தரப் பரீட்சைக்குத் தோற்றி பல்கலைக்கழகத்திற்குத் தெரிவுசெய்யப்பட்ட மாணவர்கள் பரிசில்கள் வழங்கிப் பாராட்டிக் கௌரவிக்கப்பட்டனர். காரைநகர் இந்துக் கல்லூரியிலிருந்து பல்கலைக் கழகத்திற்குத் தெரிவுசெய்யப்பட்டிருந்த ஒன்பது மாணவர்களும் இந்நிகழ்வில் கலந்துகொண்டு பாராட்டினையும் பரிசில்களையும் பெற்றிருந்தனர். பிரதேச சபை உறுப்பினர்கள் இவர்களிற்கான பரிசில்களை வழங்கிக் கௌரவித்தனர். இந்நிகழ்வில் கல்லூரியின் உப அதிபர் திருமதி அரூபா ரமேஷ்  அவர்களும் கலந்துகொண்டு உரையாற்றினார்.

இந்நிகழ்வின்போது எடுக்கப்பட்ட சில புகைப்படங்களை கீழே பார்வையிடலாம்: