காரைநகர் இந்துக் கல்லூரியின் 2020ஆம் ஆண்டு பரிசளிப்பு விழா கோவிட்-19 காரணமாக ஏற்பட்ட நெருக்கடியான சூழ்நிலையினால் சென்ற ஆண்டு நடாத்தமுடியவில்லை. இப்பரிசளிப்பு விழாவினை எதிர்வரும் 12-02-2021 வெள்ளிக்கிழமை மதியம் 12.00மணிக்கு நடராசா ஞாபகார்த்த மண்டபத்தில் நடாத்துவதற்கு பாடசாலைச் சமூகம் ஏற்பாடுசெய்துள்ளது. கல்லூரியின் அதிபர் திரு.அ.ஜெகதீஸ்வரன் அவர்களின் தலைமையில் நடைபெறும் இப்பபரிசளிப்பு விழாவின் பிரதம விருந்தினராக தீவக வலய உதவிக் கல்விப் பணிப்பாளர்(தமிழ்) திரு.சி.ஜெகன் அவர்களும், சிறப்பு விருந்தினராக தீவக வலய சேவைக்கால ஆசிரிய ஆலோசகர்(சமூகவிஞ்ஞானம்) திரு.பா.பாஸ்கரன் அவர்களும் கௌரவ விருந்தினராக பழைய மாணவர் சங்க கனடாக் கிளையின் பொருளாளர் திரு.மா.கனகசபாபதி அவர்களும் கலந்துகொண்டு சிறப்பிக்கவுள்ளனர்.

கனடாவின் பிரபல குழந்தைகள் மருத்துவ நிபுணரும், பழைய மாணவர் சங்க கனடாக் கிளையின் ஆயுட்கால உறுப்பினரும், முதன்மை அனுசரணையாளர்களுள் ஒருவருமாகிய மருத்துவகலாநிதி வி.விஜயரத்தினம் அவர்களினால் மூன்று மில்லியன் ரூபா வைப்பிலிடப்பட்டு நிறுவப்பட்ட வைத்தியகலாநிதி வி.விஜயரத்தினம் நம்பிக்கை நிதியத்தின் அனுசரணையில் ஆறாவது ஆண்டாக இப்பரிசளிப்பு விழா நடாத்தப்படவுள்ளமை குறிப்பிடத்தக்கதாகும்.

பரிசளிப்பு விழாவின் அழைப்பிதழை கீழே பார்வையிடலாம்: