பழைய மாணவர் சங்கத்தின் கனடாக் கிளையின் உறுப்பினர்களான திருமதி மனோன்மணி தம்பிராசா, திரு.திருமதி சச்சிதானந்தன் சுந்தரேஸ்வரி குடும்பத்தினர், திரு.மாணிக்கம் கனகசபாபதி, திரு.கனக.சிவகுமாரன் ஆகிய நால்வரும் தமது அன்பிற்குரிய உறுப்பினர்களின் ஞாபகார்த்தமாக, மருத்துவகலாநிதி வி.விஜயரத்தினம் நம்பிக்கை நிதியத்தின் அனுசரணையில் காரை.இந்துவில் நடைபெற்று வருகின்ற பரிசளிப்பு விழாவின்போது வெற்றிபெற்ற மாணவர்களிற்கு பரிசில்கள் வழங்குவதற்கு சென்ற பல ஆண்டுகளாக உதவி வருகின்றனர். இவர்களால் உதவப்பட்ட அறுபதாயிரம் ரூபா அனுப்பிவைக்கப்பட்டு வெள்ளிக்கிழமை அன்று நடைபெற்ற பரிசளிப்பு விழாவில் பின்னே குறிப்பிட்ட சாதனை மாணவர்களிற்கு வழங்கி அவர்கள் ஊக்குவிக்கப்பட்டனர்.

திரு.அ.ஜெகதீஸ்வரன் அவர்களும், மற்றும் அமரர் பொன்னம்பலம் தர்மநாயகம் அவர்களின் குடும்ப உறுப்பினரும் இம்முறை ஞாபகார்த்தப் பரிசில்களிற்கு உதவியிருந்தமை குறிப்பிடத்தக்கதாகும்.

அமரர் சின்னத்தம்பி தம்பிராசா ஞாபகார்த்தப் பரிசு.
கல்லூரியின் முன்னாள் உப அதிபரும், பழைய மாணவர் சங்க கனடாக் கிளையின் உருவாக்கத்திற்கு உழைத்தவர்களுள் ஒருவரும் சங்கத்தின் ஆரம்ப காலத் தலைவரும், சமய, சமூக உணர்வாளருமாகிய சின்னத்தம்பி தம்பிராசா அவர்களின் ஞாபகார்த்தமாக அன்னாரது அன்புத் துணைவியாரான திருமதி மனோன்மணி தம்பிராசா அவர்கள் வழங்கிய உதவியை கணித பாடத்தில் A தர சித்தி பெற்ற பின்வரும் ஆறு மாணவர்களும் பெற்றுள்ளனர்.
1. க. பகீரதன்
2. சி. சர்வேஸ்வரன்
3. யோ. அபிசா
4. வி. கஜந்தினி
5. க. தனுசிகா
6. க. தர்சிகா

அமரர் சுப்பிரமணியம் சரஸ்வதி ஞாபகார்த்தப் பரிசு
முதலிகேணியடி, காரைநகரைச் சேர்ந்த அமரர் சுப்பிரமணியம் சரஸ்வதி ஞாபகார்த்தமாக சங்கீதத்தில் அதிக ஈடுபாடு கொண்டுள்ள அன்னாரது அன்புப் புதல்வன் குடும்பத்தினராகிய திரு.திருமதி சச்சிதானந்தன், சுந்தரேஸ்வரி குடும்பத்தினர் வழங்கிய உதவியை க.பொ.த.(சாதாரணம்) பரீட்சையில் சங்கீத பாடத்தில் A தர சித்தி பெற்ற பின்வரும் மூன்று மாணவர்களும் பெற்றுள்ளனர்.
1. சி. சர்வேஸ்வரன்
2. யோ. அபிசா
3. வி. விஜிதா

அமரர் அப்பாக்குட்டி சுந்தரம்பிள்ளை ஞாபகார்த்தப் பரிசு
கல்லூரியின் முன்னாள் அதிசிறந்த விளையாட்டு வீரரும் காரைநகரில் விளையாட்டுத்துறையின் முன்னோடியுமாகிய அமரர் அப்பாக்குட்டி சுந்தரம்பிள்ளை ஞாபகார்த்தமாக அன்னாரது அன்பு பெறா மகனான திரு.மாணிக்கம் கனகசபாபதி அவர்கள் வழங்கிய உதவியை
சிறந்த மெய்வல்லுனர்களாகத் தெரிவுசெய்யப்பட்ட பின்வரும் இரு மாணவர்களும் பெற்றுள்ளனர்.
1.மெய்வல்லுன வீரனாக செல்வன் ஏ. துஸ்யந்தன்
2.மெய்வல்லுன வீராங்கனையாக செல்வி கி. சர்மிளா

அமரர் நாகமுத்து கனகசுந்தரம் ஞாபகார்த்தப் பரிசு:
கல்லூரியின் முன்னாள் ஆசிரியரும், கல்லூரிப் பண்ணை இயற்றி இசையமைத்தவரும் ஆகிய அமரர் நாகமுத்து கனகசுந்தரம் ஞாபகார்த்தமாக கல்லூரியின் அதிசிறந்த மாணவிக்கு அன்னாரது அன்பு மகன் கனக சிவகுமாரன் அவர்கள் வழங்கிய உதவியை கல்லூரியின் அதிசிறந்த மாணவியாகத் தெரிவுசெய்யப்பட்டுள்ள செல்வி அமிர்தா ஆனந்தராசா அவர்கள் பெற்றுள்ளார்.

அமரர் அஞ்சனாதேவி வைரமுத்து ஞாபகார்த்தப் பரிசு:
கல்லூரியின் பழைய மாணவியும, முன்னாள் ஆசிரியையுமாகிய அமரர் அஞ்சனாதேவி வைரமுத்து ஞாபகார்த்தப் பரிசினை அன்னாரது அன்பு பெறா மகனான திரு.அ.ஜெகதீஸ்வரன் அவர்கள் வழங்கிய உதவியை க.பொ.த. (சாதாரணம்) பரீட்சையில் விஞ்ஞான பாடத்தில் A தர சித்தி பெற்ற செல்வி வி.கஜந்தினி பெற்றுள்ளார்.

அமரர் பொன்னம்பலம் தர்மநாயகம் ஞாபகார்த்தப் பரிசு:
களபூமி, காரைநகரைச் சேர்ந்தவரும், கல்லூரியின் பழைய மாணவனும், பிரிட்டிஸ் விமான நிறுவனத்தில் விமானப் பொறியியலாளராகப் கடமையாற்றி ஓய்வுபெற்றவருமான அமரர் பொன்னம்பலம் தர்மநாயகம் ஞாபகார்த்தப் பரிசினை க.பொ.த.(சாதாரணம்)  பரீட்சையில் வணிகமும் கணக்கீட்டுக் கல்வியும் பாடத்தில் A தர சித்தியைப் பெற்ற பின்வரும் எட்டு மாணவர்கள் பெற்றுள்ளனர்.
1. க. பகீரதன்
2. சி. சர்வேஸ்வரன்
3. ம. அபிதா
4. யோ. அபிசா
5. வி. கஜந்தினி
6. க. சுகந்தினி
7. க. தர்சிகா
8. வி. விஜிதா

;.