உலகிலுள்ள தமிழர்கள் பூரிப்படையும் வண்ணம் ரொறன்ரோ பல்கலைக்கழகத்தில் தமிழ் இருக்கையை உருவாக்குவதற்குத் தேவைப்பட்ட 3.00 மில்லியன் டொலர்கள் என்ற பாரிய இலக்கு வெற்றிகரமாக எட்டப்பட்டுள்ளது என்ற மகிழ்ச்சிகரமான செய்தி கிடைக்கப்பெற்றுள்ளது. உலகப் புகழ் பெற்றதும், கனடாவின் முதன்மைப் பல்கலைக்கழகமாக விளங்குகின்றதுமாகிய ரொறன்ரோ பல்கலைக்கழகத்தில், உலகின் தொன்மை மிக்கதும் இலக்கிய வளம் கொண்டதுமாகிய தமிழ் மொழியின் பெருமையை, பக்கச்சார்பற்றமுறையில் சுதந்திரமாக ஆய்ந்து அறிந்து உலகிற்கு வெளிப்படுத்துவதற்கான வாய்ப்பு இதன்மூலம் ஏற்படுத்தப்பட்டுள்ளது.

காரைநகர் இந்துக் கல்லூரி பழைய மாணவர் சங்க கனடாக் கிளையின் உறுப்பினர்கள், அனுசரணையாளர்கள், நலன் விரும்பிகள் ஆகியோர் வழங்கியிருந்த பேராதரவினால் இச்சங்கத்தின் பெயரால் 10,615.00 டொலர்களை தமிழ் இருக்கை அமைக்கும் வரலாற்றுப் பெரும் பணிக்கு உதவியதன் மூலம் வெற்றி இலக்கினை அடைந்ததில் பழைய மாணவர் சங்கத்தின் கனடாக் கிளைக்கும் சிறுதுளி பங்கு உள்ளது என்ற வகையில் மிக்க பெருமிதமும் மகிழ்ச்சியும் அடைவதாக பழைய மாணவர் சங்கத்தின் கனடாக் கிளை நிர்வாகம் தெரிவிக்கின்றது.

‘கனடாவில் தமிழர் சாதனை’ என்ற தலைப்பில் யாழ்ப்பாணத்திலிருந்து வெளிவரும் இணையவழி நாளிதழாகிய காலைக் கதிரின் ஆசிரியத் தலையங்கமும், கனடா பாராளுமன்றத்தில் ரொறன்ரோ மத்தியின் பாராளுமன்ற உறுப்பினர் மார்சி ஐன்(Marci Ien) அவர்கள் தமிழ் மக்களின் குறித்த சாதனை குறித்து அறிவிப்புச் செய்து உரையாற்றிய காணொளியும் கீழே இணைக்கப்பட்டுள்ளன.

தொடர்புபட்ட செய்தியை கீழே உள்ள இணைப்பினை அழுத்திப் பார்வையிடலாம்.

https://www.karaihinducanada.com/?p=13956