சென்ற ஆண்டு நடைபெற்ற க.பொ.த. உயர்தரப் பரீட்சையின் பெறுபேறுகள் இணையம் ஊடாக பரீட்சைத் திணைக்களத்தினால் நேற்றைய தினம் வெளியிடப்பெற்றுள்ளது. இப்பரீட்சைக்கு காரைநகர் இந்துக் கல்லூரியிலிருந்து தோற்றி சிறந்த பெறுபேறுகளைப் பெற்ற மாணவர்களது உறுதிப்படுத்தப்பட்ட விபரங்கள் அதிபர் திரு.அ.ஜெகதீஸ்வரன் அவர்களினால் எமக்கு அனுப்பிவைக்கப்பட்டுள்ளது. இதன் அடிப்படையில் கணித பாடப் பிரிவில் செல்வி கம்சிகா தேவராசா 3A சித்திகளைப் பெற்று தீவக வலயத்தில் முதன்மைப் பெறுபேற்றினைப் பெற்றுக்கொண்டதுடன் மாவட்ட ரீதியிலான தரவரிசைப் பட்டியலில் 37 வது இடத்தைப் பெற்றுள்ளார். சில ஆண்டுகள் இடைவெளிக்குப் பின்னர் எமது கல்லூரியிலிருந்து பொறியியல் துறைக்கு தெரிவாகவுள்ள முதல் மாணவி என்ற பெருமையினை செல்வி கம்சிகா பெற்றுக்கொண்டுள்ளார் என்பதுடன் க.பொ.த.சாதாரண தரப் பரீட்சையிலும் 8AB என்ற முதன்மைப் பெறுபேற்றினைப் பெற்றுக்கொண்ட மாணவியாக விளங்குபவர் என்பதும் குறிப்பிடத்தக்கதாகும்.
முதன்மைப் பெறுபேற்றினைப் பெற்று சாதனை படைத்த செல்வி கம்சிகா தேவராசாவையும் சிறந்த பெறுபேறுகளைப் பெற்றுக்கொண்டு காரை.இந்து அன்னையை பெருமைப்படுத்திய அனைத்து மாணவர்களையும் இம்மாணவர்கள் சிறந்த பெறுபேறுகளைப் பெற்றுக்கொள்ள காரணமாகவிருந்து அர்ப்பணிப்போடு செயற்பட்ட ஆசிரியமணிகளையும் சிறந்த முறையில் வழிப்படுத்திய அதிபர் திரு.அ.ஜெகதீஸ்வரன் அவர்களையும் பழைய மாணவர் சங்கத்தின் கனடாக் கிளை பாராட்டி வாழ்த்துவதில் பேருவகையடைகின்றது.
சிறந்த பெறுபேறுகளைப் பெற்ற மாணவர்களது விபரம் கீழே இணைக்கப்பட்டுள்ளது:
செல்வி கம்சிகா தேவராசா க.பொ.த.சாதாரண தரப் பரீட்சையில் முதன்மைப் பெறுபேற்றினைப் பெற்றமைக்காக பழைய மாணவர் சங்கத்தின் கனடாக் கிளையினால் ரொக்கப் பரிசில் வழங்கி பாராட்டப்படுதல்
c
No Responses to “க.பொ.த.உயர்தரப் பரீட்சையில் காரை.இந்துவின் மாணவி செல்வி கம்சிகா தேவராசா கணித பாடப் பிரிவில் 3A சித்திகளுடன் மாவட்டரீதியில் முன்னணி நிலை பெற்று சாதனை!”