முதலாம் தவணைப் பரீட்சைகள் மார்ச் மாத இறுதிப்பகுதியில் முடிவடைந்து மாணவர்களுக்குரிய மதிப்பீட்டு அறிக்கைகள் வழங்கும் நிகழ்வு கல்லூரியின் நடராசா ஞாபாகார்த்த மண்டபத்தில் 05.4.2013 அன்று இடம்பெற்றது.

இந்நிகழ்வில் பெற்றோர்கள் மாணவர்கள் ஆசிரியர்கள் கலந்து கொண்டனர். வகுப்பு ரீதியாக சராசரிப் புள்ளிகளின் அடிப்படையில் முதல் 3 நிலைகளைப் பெற்ற மாணவர்கள் அவர் தம் பெற்றோருடன் மேடைக்கு அழைக்கப்பட்டு பெற்றோரினதும் வகுப்பாசிரியரினதும் ஆசியைப்பெற்ற பின்னர் ஊக்குவிப்புப் பரிசும் மதிப்பீட்டறிக்கையும் வழங்கப்பட்டது.

அத்துடன் 2012 ஆம் ஆண்டின் க.பொ.த(சா/த) பரீட்சையில் சிறப்புப் பெறுபேறு பெற்ற மாணவர்களுக்கும் உடனடி ஊக்குவிப்புப் பரிசு அதிபரால் வழங்கி கௌரவிக்கப்பட்டது.

இந்நிகழ்வில் சிறப்பு அதிதிகளாக காரைநகர் கோட்டக் கல்விப் பணிப்பாளர் திரு P ஸ்ரீவிக்னேஸ்வரன் அவர்களும் தீவகக்கல்வி வலய முறைசாராப் பிரிவு உதவிக் கல்விப்பணிப்பாளர் திரு.க.கணபதி அவர்களும் கலந்து சிறப்பித்தனர்.

இந்நிகழ்வில் எடுக்கப்பட்ட படங்களை இங்கே பார்வையிடலாம்.