இராகசுரபி செல்வி பரமேஸ்வரி கணேசன் M.A.,M.Phil. அவர்களின் இன்னிசைக் கச்சேரி
பாராட்டி வாழ்த்துகின்றோம்

செல்வி பரமேஸ்வரி கணேசன் அவர்கள் கல்லூரிக் காலத்தில் தனது தேனினும் இனிய குயிலிசையால் அனைவரையும் கட்டிப் போட்டவர். எமது கல்லூரியின் பழைய மாணவி யாழ் பல்கலைக்கழக இசைத்துறை முதுநிலை விரிவுரையாளராக இருப்பதுகண்டு எம் கல்லூரியன்னை பூரிப்படைகின்றாள். அவர் தனது இசைவேள்வியால் தன்தேசமன்றிப் பிறதேசங்களாலும் கவரப்பெற்று இசைப் பயணம் மேற்கொண்டு உலகம் போற்றும் இசைஞானச்சுடராக மிளிர்வது அவருக்கு மட்டுமன்றி எம்கல்லூரிக்கும் பெருமை சேர்க்கின்றது. அவர் எமது கல்லூரியின் 125 ஆவது ஆண்டு நிறைவு விழாவில் சிறப்பு விருந்தினராக கலந்து சிறப்பித்தமையையும் இங்கு நினைவு கூருகின்றேன்.

கோபுரத்தின் உச்சியில் இருந்தாலும் தனது பயணப் பாதையை மறக்காது கனடா பழைய மாணவர் சங்கம் எம்கல்லூரியின் மேம்பாட்டு நிதிக்காக நிகழ்த்தவிருக்கும் இன்னிசைக் கச்சேரியில் கானஇசை வழங்க இருப்பதையிட்டு மனமகிழ்கின்றேன். அவ்வகையில் யாழ் பல்கலைக்கழக இசைத்துறை முதுநிலை விரிவுரையாளர் இராகசுரபி செல்வி பரமேஸ்வரி கணேசன் M.A.,M.Phil. அவர்களுக்கும் அணிசெய் கலைஞர்களுக்கும் எம் கல்லூரி சார்பாக உளம் நிறைந்த வாழ்த்துக்களையும் பாராட்டுக்களையும் தெரிவித்துக் கொள்கின்றேன்.

எமது கல்லூரி அபிவிருத்தி நிதிக்காக இன்னிசைக் கச்சேரி நிகழ்வை ஒழுங்கு செய்து அயராது பாடுபடும் கனடா பழைய மாணவர் சங்கத்தினருக்கும் சகல வழிகளிலும் ஒத்துழைப்புகளை வழங்கும் எம்கல்லூரியின் பெருமைமிகு பழைய மாணவர்களிற்கும் எனது மனமார்ந்த நன்றிகளையும் பாராட்டுதல்களையும் தெரிவித்துக் கொள்கின்றேன். இன்னிசைக் கச்சேரி சிறப்புற நிகழ எம்கல்லூரிச் சமூகம் சார்பாக வாழ்த்துகின்றேன்.

நன்றி
திருமதி வா. தவபாலன்
அதிபர்