பழைய மாணவர் சங்க கனடாக் கிளையின் உதவிகளை திட்டமிட்டு சிறந்த முறையில் பயன்படுத்தி கல்லூரியை வளர்ச்சிப் பாதையில் நகர்த்த அர்ப்பணிப்புடன் பணியாற்றி வருகின்ற கல்லூரியின் அதிபர் திரு.அ.ஜெகதீஸ்வரன் அவர்கள் 10வது ஆண்டு விழா தொடர்பில் அனுப்பி வைத்துள்ள வேண்டுகோள் பின்னே தரப்பட்டுள்ளது:

அக்டோபர் 01ம் திகதி சனிக்கிழமை கனடா கந்தசுவாமி கோவில் மண்டபத்தில் நடைபெறவிருக்கும் காரைநகர் இந்துக் கல்லூரியின் கனடா பழைய மாணவர் சங்கத்தின் 10வது ஆண்டு நிறைவு விழாவில் காரை இந்துவின் பழைய மாணவர்கள், காரை இந்துவின் மீது அக்கறையும் பற்றும் மிக்க அன்பர்கள், மற்றும் புலம் பெயர்ந்து கனடா தேசத்தில் வசிப்போர் அனைவரையும் கலந்து கொண்டு விழாவைச் சிறப்பிக்குமாறு கல்லூரியின் அதிபர் என்ற வகையிலும் தாய்ச் சங்கத்தின் தலைவர் என்ற வகையிலும் அன்புரிமையுடன் வேண்டுகின்றேன்.

கடந்த 10 ஆண்டுகளாக காரைநகர் இந்துக் கல்லூரி தனது கல்வி நடவடிக்கைகளையும் வருடாந்த நிகழ்வுகளையும் சுயகௌரவத்துடன் நடாத்துவதற்கு கனடா பழைய மாணவர் சங்கத்தின் முயற்சியால் மேற்கொள்ளப்பட்ட நிதி ஏற்பாடுகள் முக்கிய வகிபாகத்தைப் பெறுகின்றது என்பதை உறுதியாகக் கூறிக்கொள்ளமுடியும்.

காரைநகர் இந்துக் கல்லூரியின் மேன்மைக்காக சங்கம் அமைத்து கருத்தூன்றி பணிசெய்யும் கனடா பழைய மாணவர் சங்கத்திற்கு உங்கள் அனைவரினதும் ஆதரவையும் நல்ஆசியையும் வழங்கி உதவுமாறு வேண்டுகின்றேன்.

காரை இந்துவின் மேன்மைக்காக அயராது உழைத்து வருகின்ற கனடா பழைய மாணவர் சங்கத்pன் அங்கத்தவர்கள், நிர்வாகக்குழு உறுப்பினர்கள், மற்றும் அனுசரணையாளர்கள் ஆகிய அனைவருக்கும் உளப்பூர்வமான நன்றிகளையும் வாழ்த்தினையும் தெரிவிக்கின்றேன்.