காரைநகர் இந்துக் கல்லூரி உயர்தர மாணவர் மன்றத்தின் ஏற்பாட்டில் ஆசிரியர் தின விழா சென்ற 06-10-2022 வியாழக்கிழமை அன்று நடராசா ஞாபகார்த்த மண்டபத்தில் வெகு சிறப்பாக நடைபெற்றிருந்தது. உயர்தர மாணவர் மன்றத்தின் தலைவரான செல்வன் சி.சர்வேஸ்வரன் அவர்களின் தலைமையில் நடைபெற்ற இவ்விழாவின் பிரதம விருந்தினராக கல்லூரியின் முன்னாள் ஆசிரியரான ஓய்வுநிலை பிரதிக் கல்விப் பணிப்பாளர் திரு.ந.செல்வரத்தினம் அவர்கள் கலந்து கொண்டிருந்தார். காரை.இந்துவின் பழைய மாணவனான இவர் கல்லூரியில் அர்ப்பணிப்பு மிக்க கணிதபாட ஆசிரியராகப் பணியாற்றி புகழ்பெற்றவர் என்பதுடன் கல்லூரியின் சிறந்த விளையாட்டு வீரனாகவும் உதைபந்தாட்ட அணி வீரராகவும் விளங்கி கல்லூரிக்கு பெருமை சேர்த்தவர். சிறப்பு விருந்தினராக கல்லூரியின் முன்னாள் ஆசிரியரும் முன்னாள் அதிபருமாகிய பண்டிதர் மு.சு.வேலாயுதபிள்ளை அவர்கள் கலந்துகொண்டு கொண்டிருந்தார்.

மடத்துக்கரை அம்பாள் ஆலயத்தில் நடைபெற்ற சிறப்பு வழிபாட்டினைத் தொடர்ந்து விருந்தினர்களும் அதிபர், பிரதி அதிபர், ஆசிரியர்கள் ஆகியோர் கல்லூரியின் Band அணியின் அணி வகுப்புடனும் மங்கள் வாத்திய இசையுடனும் நிகழ்விடத்திற்கு அழைத்து வரப்பட்டிருந்தனர். உயர்தர வகுப்பு மாணவர்களினால் மாலை அணிவிக்கப்பட்டும், பூச்செண்டு வழங்கியும, மதிய போசன விருந்தளித்தும் ஆசிரியமணிகள் அனைவரும் கௌரவிக்கப்பட்டிருந்தனர்.

கல்லூரியின் வளர்ச்சியில் அக்கறைகொண்டு உதவி வருபவரும் பழைய மாணவர் சங்க கனடாக் கிளையின் அனுசரணையாளருமாகிய ஐக்கிய அமெரிக்காவில் வதியும் பொறியியலாளர் பாலசுப்பிரமணியம் மகேஸ்வரன் அவர்களும் ஆசிரியர்களுடன் விருந்துபசாரத்தில் கலந்துகொண்டு சிறப்பித்தார்.

இறுதியில் மாணவர்களின் கலை நிகழ்வுகள் இடம்பெற்றன.

கீழே உள்ள இணைப்பினை அழுத்துவதன் மூலம் நிகழ்வின்போது எடுக்கப்பட்ட புகைப்படங்களை பார்வையிடலாம்:

https://photos.google.com/album/AF1QipNkqV7q3siYVR6zqNGr8MncrFx4MA-TOoBjbPCS