காரைநகர் இந்துக் கல்லூரியிலிருந்து மொறட்டுவ, வவுனியா ஆகிய பல்கலைக்கழகங்களிற்குச் சென்ற இரு மாணவர்களிற்கும் அவர்கள் பட்டப்படிப்பினை பூர்த்தி செய்யும் வரைக்குமான உதவி பழைய மாணவர் சங்கத்தின் உறுப்பினர்களினால் வழங்கப்பட்டு வருகிறது. மொறட்டுவ பல்கலைக்கழகம் சென்ற மாணவிக்கான உதவி பெயர் குறிப்பிட விரும்பாத சங்கத்தின் உறுப்பினரால் வழங்கப்பட்டு வருகிறது.

பழைய மாணவர் சங்க கனடாக் கிளையின் பணிகளில் கரிசனைகொண்டு உதவி வந்தவரும் சென்ற ஆண்டு அமரத்துவமடைந்திருந்தவருமாகிய விமலாதேவி சண்முகரத்தினம் அவர்களின் ஞாபகார்த்தமாக அன்னாரது குடும்பத்தினரால் வுவுனியா பல்கலைக்கழகம் சென்ற தகவல் தொழில்நுட்பப் பிரிவு மாணவனிற்கான உதவி வழங்கப்பட்டு வருகிறது.

வாழ்வாதார வசதி குறைந்த குடும்பங்களைச் சேர்ந்த குறித்த இரு மாணவர்களையும் கல்லூரியின் அதிபர் திரு.அ.ஜெகதீஸ்வரன் அவர்கள் பரிந்துரை செய்திருந்ததைத் தொடர்ந்து பழைய மாணவர் சங்க கனடாக் கிளையின் முயற்சியினால் இவர்களிற்கான நிதி உதவி கிடைக்கப்பெற்று வருகின்றமை குறிப்பிடத்தக்கதாகும்.

இவ்விரு மாணவர்களிற்குமான உதவியை வழங்க முன்வந்த சங்கத்தின் உறுப்பினருக்கும், அமரர் விமலாதேவி சண்முகரத்தினம் குடும்பத்தினருக்கும் பழைய மாணவர் சய்கத்தின் கனடாக் கிளை உளமார்ந்த நன்றியைத் தெரிவித்துக்கொள்கின்றது.