காரைநகர் இந்துக் கல்லூரி பழைய மாணவர் சங்கத்தின் கனடாக் கிளையினால் வெளியிடப்படுகின்ற நாட்காட்டியின் சம்பிரதாயபூர்வமான வெளியீட்டு வைபவம் எதிர்வரும் 8ஆம் திகதி ஞாயிற்றுக்கிழமை வரசித்தி விநாயகர் ஆலயத்தில் 10.00 மணிக்கு நடைபெறும் பூசை வழிபாட்டினைத் தொடர்ந்து ஆலய மண்டபத்தில் முற்பகல் 11.00 மணிக்கு நடைபெறவுள்ளது.

ஆலயத்தின் முகவரி: 3025, Kennedy  Road,  #10, Scarborough.(Kennedy & Finch).

கவிஞர், நாடகாசிரியர், நடிகர், எழுத்தாளர், பட்டிமன்றப் பேச்சாளர், தமிழாசிரியர் என பன்முக ஆற்றல்கொண்டவரும் கனடா தமிழ்ச் சமூகத்தினால் நன்கறியப்பட்டவருமாகிய திருமதி கோதை அமுதன் அவர்களின் அறிமுக உரையினைத் தொடர்ந்து காரை.இந்துவின் மூத்த பழைய மாணவனும் ஸ்கந்தவரோதயாக் கல்லூரியின் முன்னாள் ஆசிரியருமாகிய திரு.முருகேசம்பிள்ளை பாலசுப்பிரமணியம் அவர்கள் நாட்காட்டியின் முதற் பிரதியைப் பெற்றுக்கொண்டு வெளியிட்டு வைக்கவுள்ளார்.

நாட்காட்டி வெளியீட்டுற்கான முழுமையான அனுசரணையினை பிரபல வீடு விற்பனை முகவரும் அடமானக் கடன் முகவருமாகிய ( Mortgage  Agent) Jey  Nadarasah அவர்கள் (ஜெயகுமார் நடராசா) வழங்கியுள்ளார் என்பது குறிப்படத்தக்கதாகும். திரு.ஜெயகுமார் நடராசா அவர்கள் காரை.இந்துவின் விசுவாசம் மிக்க பழைய மாணவன் என்பதுடன் பழைய மாணவர் சங்க கனடாக் கிளையின் பணிகளிற்கு அக்கறையுடன் உதவி வருகின்ற சங்கத்தின் உறுப்பினருமாவார் என்பது குறிப்பிடத்தக்கதாகும்.

நாட்காட்டியின் வெளியீட்டு நிகழ்வில் பழைய மாணவர் சங்க உறுப்பினர்கள், பழைய மாணவர்கள், நலன் விரும்பிகள் அனைவரையும் கலந்துகொண்டு சிறப்பிக்குமாறு பழைய மாணவர் சங்கத்தின் கனடாக் கிளை அன்போடு அழைக்கின்றது.