காரைநகர் இந்துக் கல்லூரியின் மேம்பாட்டு நிதிக்காக பழைய மாணவர் சங்கத்தின் அழைப்பினை ஏற்று தமிழகத்திலிருந்து வருகை தந்து கர்நாடக இசைக் கச்சேரியினை நிகழ்த்திய செல்வன் சாயி விக்னேசும் அணிசேர் கலைஞர்களான செல்வன் மிதுரன் மனோகரன் செல்வன் அமுதீசர் சச்சிதானந்தமும் பழைய மாணவர் சங்கத்தினால் சென்ற ஞாயிற்றுக்கிழமை(18.09.2016) மதிய போசன விருந்து வழங்கி மதிப்பளிக்கப்பட்டிருந்தனர். கடம் வாசித்த செல்வன் பிரணவன் குகமூர்த்தி தவிர்க்க முடியாத காரணத்தினால் இவ்வைபவத்துக்கு சமூகமளிக்கமுடியவில்லை.

சங்கத்தின் பொருளாளர் திரு.மாணிக்கம் கனகசபாபதி அவர்களின் இல்லத்தில் சங்கத்தின் தலைவர் திரு.தம்பையா அம்பிகைபாகன் தலைமையில் நடைபெற்ற இவ்விருந்து வைபவத்தில் நிர்வாக சபை உறுப்பினர்களும் அவர்களது குடும்பத்தினரும் கலந்துகொண்டனர். சங்கத்தின் தலைவர் திரு. அம்பிகைபாகன் உப-தலைவர் திரு.நாகலிங்கம் குஞ்சிதபாதம் முன்னாள் தலைவர் திரு.முருகேசம்பிள்ளை வேலாயுதபிள்ளை சங்கத்தின் செயலாளர் திரு.கனக சிவகுமாரன் ஈழநாடு பத்திரகையின் பிரதம ஆசிரியர் திரு.ரி.கே.பரமேஸ்வரன் ஆகியோர் சாயி விக்னேசையும் அணிசேர் கலைஞர்களையும் பாராட்டியும் நன்றி தெரிவித்தும் உரையாற்றியிருந்தனர்.

நிகழ்வின் போது எடுக்கப்பட்ட படங்களை கீழே காணலாம்.