பழைய மாணவர் சங்க கனடாக் கிளையின் உறுப்பினரும் வீடு விற்பனை மற்றும் அடமான வங்கிக் கடன் (Mortgage) முகவருமாகிய நடராசா ஜெயகுமார் அவர்களின் பூரண அனுசரணையில் இவ்வாண்டுக்கான நாட்காட்டி சென்ற தை மாதம் வெளியிடப்பட்டிருந்தமை அனைவரும் அறிந்ததேயாகும். இந்நாட்காட்டியின் வெளியீட்டு நிகழ்வின்போது பிரதிகளைப் பெற்றோர் தாமாக முன்வந்து அன்பளிப்புத் தொகையினை வழங்கியிருந்தனர். இவ்விதம் சேர்ந்த தொகையிலும் திரு.ஜெயகுமார் முன்வந்து வழங்கிய நன்கொடையிலும் மடிக் கணினி ஒன்று வாங்கப்பெற்று கல்லூரியின் அதிபர் திரு.அ.ஜெகதீஸ்வரன் அவர்களின பரிந்துரையின் அடிப்படையில் காரை.இந்துவிலிருந்து பல்கலைக்கழக அனுமதியைப் பெற்ற (உயிரியல் முறமை தொழில் நுட்பம், கொழும்பு பல்கலைக்கழகம்)) செல்வி ஜென்சிகா தேவராசா என்பவருக்கு உதவப்பட்டுள்ளது.
அண்மையில் நடைபெற்ற வருடாந்த மெய்வல்லுனர் போட்டியின்போது குறித்த மடிக் கணினி காரை.இந்துவின் முன்னாள் அதிபர் பண்டிதர் மு.சு.வேலாயுதபிள்ளை அவர்களினால் செல்வி ஜென்சிகாவிற்கு வழங்கி வைக்கப்பட்டது.
மடிக் கணினி வழங்கியபோது எடுக்கப்பட்ட புகைப் படங்களை கீழே பார்வையிடலாம்:
No Responses to “பழைய மாணவர் சங்க உறுப்பினரான வீடு விற்பனை முகவர் ஜெயகுமார் நடராசா அவர்களின் முதன்மைப் பங்களிப்புடன் பல்கலைக் கழக அனுமதி பெற்ற மாணவிக்கு மடிக் கணினி அன்பளிப்பு.”