தேசிய சிறுவர் பாதுகாப்பு அதிகார சபையினால் உலக சிறுவர் தினத்தை முன்னிட்டு இடம்பெற்ற சுவரொட்டிப் போட்டியில் செல்வன் புஸ்பராசா சபிதன் தேசிய மட்டத்தில் முதலிடம் பெற்ற செய்தியை இவ்விணையத்தளத்தில் ஏற்கனவே பிரசுரித்திருந்தோம்.

தேசிய சிறுவர் பாதுகாப்பு அதிகார சபையினால் அகில இலங்கை ரீதியாக உலக சிறுவர் தினத்தை முன்னிட்டு “இணையத்தளம் மற்றும் கையடக்கத் தொலைபேசியை கவனமாகப் பயன்படுத்துவோம்” எனும் கருப்பொருளில் சுவரொட்டி தயாரித்தல் போட்டி 01.10.2015 அன்று 14 – 18 வயதுப் பிரிவினரிடையே நடைபெற்ற போட்டியிலேயே காரை இந்துக்கல்லூரி மாணவன் செல்வன் புஸ்பராசா சபிதன் மேற்பிரிவில் பங்குபற்றி தேசிய மட்டத்தில் முதலிடத்தினைப் பெற்றுக்கொண்டார்.

செல்வன் சபிதனுக்கான பாராட்டு விருது, சான்றிதழ் என்பன அண்மையில் பாடசலைக்கு அனுப்பி வைக்கப்பட்டிருந்து.

தேசிய மட்டத்தில் முதலிடம் பெற்ற செல்வன் புஸ்பராசா சபிதன் என்ற மாணவனையும்இ மாணவனை சகல வழிகளிலும் ஊக்குவித்த ஆசிரியரான திரு இராசரத்தினம் ஜீவராஜ் (சித்திர பாட ஆசிரியர்) அவர்களையும் கல்லூரிச் சமூகத்துடன் பழைய மாணவர் சங்க கனடாக்கிளையும் பாராட்டி வாழ்த்துகின்றது.

செல்வன் சபிதன் பெற்ற சான்றிதழையும்இ பராட்டு விருதையும். கீழே காணலாம்.