சுமார் அறுபது ஆண்டுகளிற்கு முன்னதாக எனக்கு எட்டாண்டுகளாக இடைநிலைக்கல்வியை ஊட்டி இலங்கை அரசாங்க சேவையில் பதவியைப் பெற்றுக் கொள்வதற்கான கல்வித் தகமையினை வழங்கியது மட்டுமல்லாது 42ஆண்டு கால அரசசேவையில் பல பரீட்சைகளில் சித்திபெற்று பல பதவி உயர்வுகளைப்பெற்று வாழ்வில் முன்னேற வழிகாட்டியது காரைநகர் இந்துக் கல்லூரியாகும். என்னைப் போன்று கல்லூரி அன்னையினால் பயனடைந்த பல சகோதர சகோதரிகளின் முன்முயற்சியினால் ஆரம்பிக்கப்பட்டுள்ள பழைய மாணவர் சங்கத்தில் போசகராக பணியாற்றுகின்ற வாய்ப்பு கிடைத்தமையையிட்டு மிக்க மகிழ்ச்சி அடைவதுடன் மனநிறைவும் பெறுகின்றேன்.

கல்லூரியின் 125வது ஆண்டு நிறைவினை கொண்டாடவுள்ள இச்சந்தர்ப்பத்தில் பழைய மாணவர் சங்கத்தினால் ஆரம்பிக்கப்பட்டுள்ள karaihinducanada.com என்கின்ற இணையத்தள சேவையானது கல்லூரியின் பெருமையினையும் சாதனைகளையும் வெளிக்கொணர்ந்து பழைய மாணவர்களிற்கும் நலன்விரும்பிகளிற்கும் கல்லூரிமீது ஆர்வமும் ஈடுபாடும் ஏற்பட வழிவகுத்து அதன் மேம்பாட்டிற்கு உதவும் என நம்புகின்றேன். இவ்விணையத்தளமானது சிறப்பாக சேவையாற்றிட எனது மனமார்ந்த வாழ்த்துக்களை தெரிவித்துக் கொள்கின்றேன்.

முருகேசபிள்ளை வேலாயுதபிள்ளை
போசகர்
பழைய மாணவர் சங்கம் –கனடா