பொதுநலவாய நாடுகள் தினத்தை முன்னிட்டு கல்வி அமைச்சினால் நடாத்தப்பட்டிருந்த கட்டுரைப் போட்டியில் காரை இந்துவில் தரம் 11 இல் கல்வி பயிலும் மாணவி செல்வி வைஸ்ணவி குமாரசேகரம் 4ஆம் இடத்தினைப் பெற்று சாதனை படைத்துள்ளார்.

வெற்றி பெற்ற வைஸ்ணவிக்கான பரிசில் வழங்கும் நிகழ்வு சென்ற 16-05-2023 அன்று கொழும்பிலுள்ள கல்வி அமைச்சில் நடைபெற்றது. கல்லூரியின் அதிபர் திரு.அ.ஜெகதீஸ்வரன் வரலாற்றுப் பாட ஆசிரியரும் பழைய மாணவர் சங்கத்தின் பொருளாளருமாகிய திரு.ச.சுகந்தன் மாணவியின் பெற்றோர் ஆகியோர் இந்நிகழ்வில் கலந்துகொண்டிருந்தனர்.

தேசிய மட்ட சாதனையை ஏற்படுத்தி காரை.இந்து அன்னைக்கு புகழ்சேர்த்த செல்வி வைஸ்ணவியை பழைய மாணவர் சங்கத்தின் கனடாக் கிளை பாராட்டி வாழ்த்துவதுடன் வைஸ்ணவியை பயிற்றுவித்த தமிழ்ப் பாட ஆசிரியர்களையும் நெறிப்படுத்திய அதிபரையும் பாராட்டுவதில் பேருவகையடைகின்றது.

நிகழ்வு தொடர்பான புகைப்படங்கள் கீழே இணைக்கப்பட்டுள்ளன.