யா/கலாநிதி ஆ.தியாகராசா ம.ம.வித்தியாலயம் (காரைநகர் இந்துக் கல்லூரி) பழைய மாணவர் சங்க கனடா கிளையின் உதவிச் செயலாளராக பணியாற்றியிருந்ததுடன் தற்போதய நிர்வாக சபையிலும் உறுப்பினராக பதவி வகுத்து சங்கத்தின் அனைத்துச் செயற்பாடுகளிலும் முன்னின்று அக்கறையுடன் செயலாற்றி வருகின்றவருமாகிய திரு.கனகரத்தினம் சிவபாதசுந்தரம் அவர்களின் அன்புத் தாயாரும் எமது கல்லூரியின் பழைய மாணவியுமாகிய திருமதி பரமேஸ்வரி கனகரத்தினம் அவுஸ்திரேலியா சிட்னியில் இறைபதம் அடைந்துள்ளார் என்ற செய்தி அறிந்து பழைய மாணவர் சங்கத்தின் கனடா கிளை அதிர்ச்சியும் ஆழ்ந்த துயரமும் அடைந்துள்ளது.

சமூக அக்கறையும் பரந்த நோக்கும் கொண்ட பாரம்பரியம் மிக்க குடும்பத்தைச் சேர்ந்த அன்னாரின் இளைய புதல்வன் திரு.ஈஸ்வரபாதம் அவர்களும் அவுஸ்திரேலியா-காரை நலன்புரிச் சங்கத்தில் நிர்வாக உறுப்பினராக பணியாற்றி வருபவர் என்பதும் குறிப்பிடத்தக்கதாகும். அன்னாரின் பிரிவால் ஆறாத் துயருற்றிருக்கும் அன்னாரது பிள்ளைகள் மருமக்கள் பேரப்பிள்ளைகள் உற்றார் உறவினர் அனைவருக்கும் எமது சங்கம் அனுதாபத்தினையும் ஆறுதலையும் தெரிவிப்பதுடன் அன்னாரது ஆத்மா சாந்தியடைய ஈழத்துச் சிதம்பரத்த்pல் உறையும் சிவகாமி சமேத நடேசப் பெருமானை இறைஞ்சுகின்றது;.

யா/கலாநிதி ஆ.தியாகராசா ம.ம.வித்தியாலயம் பழைய மாணவர் சங்கம் – கனடா