2023ஆம் அண்டுக்கான தீவகப் பாடசாலைகளுக்கிடையிலான வலய மட்டத்திலான சமூக விஞ்ஞானப் போட்டியில் காரை.இந்துவிலிருந்து பங்குபற்றிய 21 மாணவர்களுள் 16 மாணவர்கள் வெற்றி பெற்று மாகாண மட்டப் போட்டிக்கு தெரிவு செய்யப்பட்டிருந்தனர்.

19-09-2023 அன்று நடைபெற்ற மாகாண மட்டத்திலான போட்டியில் பங்கேற்ற காரை.இந்துவின் வெற்றியாளர்கள் 16 பேரும் நகர்ப்புறப் பாடசாலைகளைச் சேர்ந்த போட்டியாளர்களுடன் போட்டியிட்டு மூவர் வெற்றி பெற்று தேசிய மட்டத்திலான போட்டிக்கு தெரிவுசெய்யப்பட்டிருந்தனர்.

காரை.இந்துவைப் பெருமைப்படுத்திய மூன்று வெற்றியாளர்கள் வருமாறு:
1.செல்வன் இராமகிருஷ்ணன் யாதவன் தரம் 9, 1ம் இடம்
2.செல்வி ஜதுஷா ரவிச்சந்திரன் தரம் 9, 2ம் இடம்
3.செல்வன் இராமகிருஷ்ணன் நவநீதன் தரம் 11, 1ம் இடம்

தேசிய மட்டத்தலான போட்டி நேற்றைய தினம் 23-09-2023 சனிக்கிழமை நடைபெற்றபோது ஏனைய மாகாணப் பாடசாலைகளிலிருந்து தெரிவான போட்டியாளர்களுடன் காரை.இந்துவைச் சேர்ந்த மாகாண மட்டத்தில் தெரிவான மேற்குறித்த மூன்று போட்டியாளர்களும் பங்குபற்றியிருந்தனர்.

போட்டியின் முடிவுகள் எதிர்பார்க்கப்பட்டுள்ள நிலையில் சாதனையாளர்கள் மூவரையும் பழைய மாணவர் சங்கத்தின் கனடாக் கிளை பாராட்டுவதுடன் தேசிய மட்டப் போட்டியில் வெற்றியாளர்களாக மிளிர்ந்து காரை.இந்துவிற்கு மேலும் பேருமை சேர்க்க வேண்டி வாழ்த்துகிறது. அதேவேளை வலய மட்டத்திலான வெற்றியாளர்களையும் அனைவருக்கும் பயிற்சியளித்து தயார்படுத்திவிட்டிருந்த சமூக விஞ்ஞானப் பிரிவைச் சேர்ந்த ஆசிரிய மணிகளையும் சிறந்தமுறையில் நெறிப்படுத்திய கல்லூரியின் அதிபர் திரு.அ.ஜெகதீஸ்வரன் அவர்களையும் பழைய மாணவர் சங்கத்தின் கனடாக் கிளை பாராட்டி வாழ்த்துவதில் பேருவகையடைகிறது.