‘சைவமும் தழிழும் தழைத்தோங்குகின்ற காரையம்பதியிலே’ இற்றைக்கு 129 ஆண்டுகளுக்கு முன்னர் மதிப்பிற்குரிய முத்து சயம்பு அவர்களால் ஸ்தாபிக்கப்பட்டு இன்று காரைநகர் இந்துக் கல்லூரி என விளங்கும் எமது கல்லூரிச் சமூகம் கல்விசார் புலமைபெற்ற பலரை உருவாக்கியுள்ளது, உருவாக்கிவருகின்றது. தீவகக் கல்வி வலயத்தில் தனக்கென ஒரு ஸ்தானத்தை நிலைநாட்டி வருகின்றது.

புhடசாலைச் சவால் ஒவ்வொன்றுக்கும் பழைய மாணவர்கள் குறிப்பாக புலம்பெயர் பழைய மாணவர்கள் பக்கத் துணையாக இருந்துவருகின்றனர். இதன் விளைவாக 2012ஆம் ஆண்டு எமது கல்லூரியின் பழைய மாணவர் சங்க கனடாக் கிளை அப்போதைய அதிபர் திரு.பொ.சிவானந்தராஜா தலைமையில் உருவாக்கப்பட்டது. இன்று 5ஆண்டுகள் பூர்த்தியடைந்த நிலையில் பாடசாலையின் பாடவிதான இணைப்பாடவிதான அபிவிருத்திப் பணிகளுக்கு பல்வேறு வழிகளில் காலத்தின் தேவையறிந்து உதவிபுரிந்து வந்துள்ளீர்கள் என்பதை மனமகிழ்வுடன் தெரிவித்துக்கொள்கின்றேன்.

ஆறாவது ஆண்டில் கால்பதித்துள்ள தாங்கள் கல்லூரியின் வளர்ச்சிக்கு அளப்பரிய சேவையை வழங்கவேண்டும் என இச்சந்தர்ப்பத்திலே தங்களைக் கேட்டுக்கொள்கின்றேன். கல்லூரியின் வளர்ச்சியில் அக்கறையுடன் செயலாற்றுகின்ற கனடாக்கிளையின் தலைவர், செயலாளர், பொருளாளர், உறுப்பினர்கள் மற்றும் கனடாவாழ் காரை.மக்கள் அனைவருக்கும் எமது கல்லூரிச் சமூகம் சார்பாக எனது வாழ்த்துக்களை தெரிவித்துக்கொள்கின்றேன்.

தொடர்ந்து தங்களது பணி தொடர எல்லாம்வல்ல ஈழத்துச் சிதம்பரத்தில் வீற்றிருக்கும் இறைவனை வேண்டுகின்றேன்.

திருமதி சிவந்தினி வாகீசன்,
அதிபர்