காரைநகர் இந்துக் கல்லூரியின் பழைய மாணவர் சங்க கனடாக் கிளை தனது ஐந்தாவது ஆண்டைப் பூர்த்தி செய்துள்ளது. இந்த ஐந்து ஆண்டுகளில் காரைநகர் இந்துக் கல்லூரியின் கல்வி தொடர்பாகவும் மற்றும் சுற்றாடல் தொடர்பாகவும் தனது பங்கினைக் கணிசமான முறையில் வழங்கி வந்துள்ளது. இச் சங்கத்தின் நிர்வாக சபை எவ்வித உட்பூசல்கள் மற்றும் வேறுபாடுகள் இன்றி ஒற்றுமையாகச் செயலாற்றி வருவது மிகவும் பாராட்டுக்குரிய அம்சமாகும். இச்சங்கம் எந்த நோக்கங்களுக்காக ஆரம்பிக்கப்பட்டதோ அந்த நோக்கங்களிலிருந்து விலகாமல் தனது பணியை ஆற்றிவருவது எல்லோரும் அறிந்ததேயாகும். கனடா-காரை கலாசார மன்றத்துடன் இணைந்து செயற்படுவது இச்சங்க நிர்வாகக் குழுவின் அனுசரணையான செயற்பாட்டிற்கு உதாரணமாகும்.

இச்சங்கம் எதிர்காலத்திலும் இவ்வாறு திறமையாகச் செயற்பட்டு கல்லூரியின் முன்னேற்றத்தில் தனது பங்கினை தொடர்ந்து வழங்க வேண்டும் என வாழ்த்துகின்றேன்.

வி.விஜயரத்தினம்