பழைய மாணவர் சங்க கனடாக் கிளையின் தொடர்பு மிக்க மூத்த உறுப்பினரான திரு.பாலசுப்பிரமணியம், மூத்த உறுப்பினர் திருமதி ஜெயமணி பாலசுப்பிரமணியம் தம்பதியினரின் சஸ்டியப்தப் பூர்த்தி என அழைக்கப்படுகின்ற 60வது கலியாண வைபவம் சென்ற 29-10-2023 ஞாயிற்றுக்கிழமை வெகுசிறப்பாக நடைபெற்றிருந்தது. இவர்களது பிள்ளைகளினால் நிர்மாணிக்கப்பட்டு பரிபாலனம் செய்யப்பட்டு வருகின்ற மாப்பாணவூரி நாச்சிமார் கோயிலில் நடைபெற்ற இவ்வைபவத்தில் அவர்களது உறவினர்கள், நண்பர்கள், அயலவர்கள் என திரளான மக்கள் கலந்துகொண்டு பாலசுப்பிரமணியம், ஜெயமணி தம்பதியினரை வாழ்த்தியிருந்தனர்.

திரு.திருமதி பாலசுப்பிரமணியம் ஜெயமணி தம்பதியினர் பழைய மாணவர் சங்க கனடாக் கிளையின் பணிகளில் மிகுந்த அக்கறைகொண்டு ஆதரவளித்து வருவதுடன் அனைத்து நிகழ்வுகளிலும் தவறாது கலந்துகொண்டு ஊக்குவித்து வருபவர்கள். இவர்களது அனைத்துப் பிள்ளைகளும் காரை.இந்துவின் வளர்ச்சியில் மிகுந்த கரிசனை கொண்டு உதவி வருபவர்கள. சிறப்பாக இவர்களது புதல்வர்களான தொழிலதிபர் மகாதேவன் அவர்களும், பொறியியலாளர் மகேஸ்வரன் அவர்களும் கல்லூரியின் பல்வேறு வளர்ச்சித் திட்டங்களை பழைய மாணவர் சங்க கனடாக் கிளையின் ஊடாக செயற்படுத்தி வருகின்றமை குறிப்பிடத்தக்கதாகும்.

திரு.திருமதி பாலசுப்பிரமணியம் ஜெயமணி தம்பதியினருக்கு மலர் மாலை அணிவித்தும் பொன்னாடை போர்த்தியும் பழைய மாணவர் சங்கத்தின் கனடாக் கிளை அவர்களை வாழ்த்தியிருந்தது. பழைய மாணவர் சங்கத்தின் கனடாக் கிளை சார்பில் கல்லூரியின் அதிபர் திரு.ஜெகதீஸ்வரன் அவர்களும், தாய்ச் சங்கத்தின் செயலாளர் திரு.நிமலதாசன் கணபதிப்பிள்ளை அவர்களும் நேரில் சென்று வாழ்த்தியிருந்தனர்.

இதன்போது எடுக்கப்பட்டிருந்த சில புகைப்படங்களை கீழே பார்வையிடலாம்.

நேரடியாக ஒளிபரப்புச் செய்யப்பட்டிருந்த வைபவத்தின் பதிவுசெய்யப்பட்ட  காணொளியினை கீழே உள்ள இணைப்பினை அழுத்திப் பார்வையிடலாம்.

https://www.youtube.com/live/hiWpGFKmgoA?si=6VMhXqbw1kXZhoFW