காரைநகர் இந்துக் கல்லூரி பழைய மாணவர் சங்க கனடாக் கிளையில் இரண்டு ஆண்டுகள் நிர்வாக சபை உறுப்பினராகப் பணியாற்றி கல்லூரியின் மேம்பாட்டிற்கு அக்கறையுடன் உழைத்தவர் அண்மையில் மறைந்த அமரர் நாகராஜா பாலசுப்பிரமணியம அவர்கள் சிறந்த விளையாட்டு வீரரான அன்னார் கல்லூரியின் விளையாட்டுத்துறை வளர்ச்சியில் மிகுந்த ஆர்வத்தினைக் கொண்டு விளங்கியவர். தமது விளையாட்டுத்துறைச் சாதனைகள் மூலம் கல்லூரிக்குப் பெரும் புகழ் சேர்த்தவர்.

திரு.பாலசுப்பிரமணியம் அவர்களது விருப்பத்தினை நிறைவுசெய்யும் வகையிலும் அன்னாரை நினைவு கூரும் வகையிலும் கல்லூரியின் விளையாட்டுத் துறைச் சாதனையாளர் ஒருவரை ஆண்டு தோறும் கௌரவிப்பதற்கான உதவியை வழங்குவதற்கு பாலசுப்பிரமணியத்தின் நண்பர்கள் முன்வந்துள்ளனர்.

கல்லூரியின் வருடாந்த இல்ல விளையாட்டுப் போட்டியின்போது நடைபெற்று வருகின்ற 1500மீற்றர் ஓட்டப் பந்தயத்தில் தொடர்ச்சியாக முதல் வெற்றியாளராக அமரர் பாலசுப்பிரமணியம் வந்ததைக் கருத்திற்கொண்டு இப்பந்தயத்தின் முதல் வெற்றியாளருக்கு அன்னாரின் பெயரில் வெற்றிக் கிண்ணமும் ரொக்கப் பரிசிலும் வழங்கும் வகையிலான ஏற்பாடுகளைச் செய்து கொடுக்க முன்வந்துள்ள அன்னாரது நண்பர்கள் அதனை பழைய மாணவர் சங்கத்தின் கனடாக் கிளையினூடாக செயற்படுத்த விருப்பம் தெரிவித்துள்ளனர்.

இது குறித்து அன்னாரது இறுதி அஞ்சலி நிகழ்வின்போது நடைபெற்ற இரங்கலுரைகளின் இடையே தெரியப்படுத்தப்பட்டது. இதனைத் தொடர்ந்து பல நண்பர்களும் அனுதாபிகளும் மேலும் இணைந்துகொண்டு தமது உதவிகளை வழங்க முன்வந்தனர். இன்னும் பலர் இணைந்துகொள்வார்கள் என எதிர்பார்ப்பதால் அவர்களுக்கு வாய்ப்பளிக்கும் வகையில் இவ்விணையத்தளம் ஊடாக இவ்வறிவித்தல் எடுத்துவரப்படுகிறது.

அமரர். பாலசுப்பிரமணியம் அவர்களை நினைவு கூரும் இத்திட்டத்திற்கு உதவ விரும்பும் அன்னாரது நண்பர்களும் அனுதாபிகளும் எதிர்வரும் 05-11-2017ஆம் திகதிக்கு முன்னதாக பின்வரும் தொடர்புத் தகவல்கள் மூலமாக தொடர்புகொள்ளுமாறு அன்பாக வேண்டிக்கொள்கின்றோம்.

க.சிவபாதசுந்தரம் 416-7106180 மின்னஞ்சல்: sivaa@rogers.com
மா.கனகசபாபதி 647-639-2930 மின்னஞ்சல்: manikkam@sympatico.ca

அமரர் பாலசுப்பிரமணியத்தின் நண்பர்கள் சார்பில்