காரைநகர் இந்துக் கல்லூரி பழைய மாணவர் சங்கத்தின் ஆண்டுப் பொதுக் கூட்டம் சென்ற 08-04-2018 ஞாயிற்றுக்கிழமை நடராசா ஞாபகார்த்த மண்டபத்தில் சிறப்பாக நடந்தமையையிட்டு தமது மகிழ்ச்சியை பகிர்ந்துகொள்ளும் கனடாக் கிளை நிர்வாகம் அதிபர் திருமதி சிவந்தினி வாகீசன் அவர்கள் தலைமையில் அமைந்துள்ள புதிய நிர்வாகம் தொடர்ந்து கல்லூரியின் வளர்ச்சிப் பணிகளை திட்டமிட்டு சிறப்புற முன்னெடுத்துச் செல்லும் என நம்புவதுடன் மனமார்ந்த வாழ்த்துக்களையும் தெரிவித்துக்கொள்கின்றது.

படசாலையின் மேம்பாடு சார்ந்து இரு சங்கங்களின் நிர்வாகங்களுக்கிடையேயான பரஸ்பர ஒத்துழைப்பும் நல்லுறவும் என்றும்போல பேணப்படுவதுடன் பாடசாலை உன்னதமான நிலையைப் பெற்று ;விளங்கவும்; அதன் புகழ் நிலைநாட்டப்படவும் புதிய நிர்வாகத்தில் இடம்பெற்றுள்ள உறுப்பினர்கள் உழைப்பார்கள் என எதிர்பார்க்கின்றோம். இச்சந்தர்ப்பத்தில் முன்னைய நிர்வாகத்தின் சிறப்பான பணியினையும் பாடசாலைக்கான எமது உதவிகள் சார்ந்து வழங்கியிருந்த ஒத்துழைப்பினையும் பாராட்டி நெஞ்சார்ந்த நன்றியினையும் தெரிவித்துக்கொள்கின்றோம்