காரை.இந்துவின் முன்னாள் ஆசிரியரும் புகழ்பூத்த சைவத்தமிழ் அறிஞரும் சிறந்த ஆன்மீகச் சொற்பொழிவாளருமாகிய சைவமணி வித்துவான் மு.சபாரத்தினம் அவர்களது அன்புப் புதல்வனும், காரை.இந்துவின் பழைய மாணவி இராசமலர் அவர்களது அன்புக் கணவரும், காரை.இந்துவின் முன்னாள் ஆசிரியையாகிய அமரர் கோமதி நாகேந்திரம் அவர்களது பெறா மகனும், காரை.இந்துவின் முன்னாள் அதிபர் பண்டிதர் மு.சு.வேலாயுதபிள்ளை அவர்களது உடன்பிறவாச் சகோதரனும், பழைய மாணவர் சங்க கனடாக் கிளையின் உறுப்பினரும் காரை.இந்துவின் சிறந்த விளையாட்டு வீரருமாகிய திரு.நடராசா ஜீவராசா அவர்களது அன்பு மைத்துனருமாகிய திரு.பாலசுப்பிரமணியம் அவர்கள் 05-01-2024 அன்று சிவபதம் அடைந்துள்ளார் என்ற செய்தியை ஆழ்ந்த துயருடன் அறியத்தருகின்றோம்.

அன்னாரது இழப்பினால் ஆறாத் துயருற்றிருக்கும் அன்னாரது குடும்பத்துக்கு பழைய மாணவர் சங்கத்தின் கனடாக் கிளை ஆழ்ந்த அனுதாபங்களைத் தெரிவிப்பதுடன் அன்னாரது ஆத்மா சாந்தியடைய இறைவனைப் பிரார்த்திக்கின்றது.

காரை.இந்து பழைய மாணவர் சங்கம், கனடா.

அன்னாரது குடும்பத்தின் சார்பில் வெளியடப்பெற்ற மரண அறிவித்தலை கீழே பார்வையிடலாம்.