காரைநகர் இந்துக் கல்லூரியின் பழைய மாணவர் சங்க கனடாக் கிளையினால் கடந்த ஐந்து ஆண்டுகளில் முன்னெடுக்கப்பட்டிருந்த பாடசாலைக்கான மகத்தான பணிகளுக்கும் பாராட்டத்தக்க முன்னுதாரணமான செயற்பாடுகளுக்கும் சங்கத்தின் உறுப்புரிமையைப் பெற்றுக்கொண்ட உறுப்பினர்களாகிய நீங்கள் அனைவரும் வழங்கி வருகின்ற உதவிகளும் ஆதரவுமே அடித்தளமாக அமைந்து விளங்குவனவாகும். இச்சங்கம் வெற்றிகரமான தனது பணியில் ஐந்து ஆண்டுகளைப் பூர்த்திசெய்து ஆறாவது ஆண்டில் பாதம் பதிக்கின்ற தருணத்தில் தனது ஆறாவது ஆண்டுப் பொதுக் கூட்டத்தினை எதிர்வரும் 30ஆம் திகதி சனிக்கிழமை நடாத்தவுள்ளமை குறித்த விபரமும் 2017ஆம் ஆண்டிற்கான செயற்பாட்டு அறிக்கை, வரவு-செலவு அறிக்கை என்பனவும் தங்கள் அனைவருக்கும் தபால் மூலமாகக் கிடைக்கக்கூடியதாக அனுப்பிவைத்துள்ளோம். இவ் அறிக்கைகள் கிடைக்கத் தவறியவர்கள் தயவுசெய்து எமக்கு அறியத்தந்தால் உடன் கிடைக்க ஏற்பாடுசெய்வோம்.
இதுவரை 2018ஆம் ஆண்டுக்கான உறுப்புரிமைப் பணமாகிய பத்து டொலரினை ($10.00) செலுத்தாதவர்கள் அதனை செலுத்தி உதவுமாறு அன்பாக வேண்டிக்கொள்வதுடன் 2017ஆம் ஆண்டிற்கான உறுப்புரிமைப் பணம் நிலுவையாக இருப்பின்; அதனையும் சேர்த்து செலுத்தி உதவுவீர்கள் என எதிர்பார்க்கின்றோம்.
இதுவரை உறுப்புரிமையைப் பெற்றுக்கொள்ளாதிருக்கும் கல்லூரியின் பழைய மாணவர்கள் உறுப்புரிமையைப் பெற்றுக்கொண்டு கல்லூரியின் மேம்பாட்டில் பங்குபற்றுகின்ற வாய்ப்பினை ஏற்படுத்திக் கொள்ளுமாறு அன்புடன் வேண்டிக்கொள்கின்றோம்.
உறுப்புரிமைப் பணத்தினை செலுத்துவதற்கும் உறுப்புரிமையைப் பெற்றுக்கொள்வதற்கும் தேவையான தகவல்களை பின்னேயுள்ள இணைப்பினை அழுத்துவதன் மூலம் பெற்றுக்கொள்ளமுடியும்.
No Responses to “காரைநகர் இந்துக் கல்லூரி பழைய மாணவர் சங்க கனடாக் கிளையின் உறுப்பினர்கள் மற்றும் பழைய மாணவர்களுக்கு பழைய மாணவர் சங்க நிர்வாகத்தின் அன்பான வேண்டுகோள்.”