கலாநிதி ஆ.தியாகராசா மத்திய மகா வித்தியாலய பழைய மாணவர் சங்க செயலாளாராக திரு அருணாசலம் செல்வரத்தினம் கடமையாற்றிய காலத்தில் கல்லூரியில் விளையாட்டுப் பொறுப்பாசிரியராகப் பணியாற்றியவரும் கல்லூரியின் பழைய மாணவரும் ஆகிய திரு.அ.ஜெகதீஸ்வரன் அவர்கள் அன்னாரின் மறைவுச் செய்தியை அறிந்து அனுப்பி வைத்த கண்ணீர் அஞ்சலியை இங்கே தருகின்றோம்.

கண்ணீர் அஞ்சலி

திரு.அ.செல்வரத்தினம் அவர்கள் காலமானார் என்ற தொலைபேசி வழிச் செய்தியை அறிந்து மிக்க துயரடைகின்றேன்.

யா-கலாநிதி ஆ.தியாகராசா மத்திய மகா வித்தியாலயம் 1996 இல் தனது சொந்த இடத்தில் மீள இயங்க ஆரம்பித்த இடர்மிக்க காலத்தில் விளையாட்டுத்துறை வளர்ச்சிக்கு என்னுடன் இணைந்து சேவையாற்றியதையும் பழைய மாணவர் சங்கத்தின் செயலாளராக இருந்து கருமம் ஆற்றியதையும் நினைவு கூருகின்றேன்.

உண்மையான பாடசாலை மீதான விசுவாசமும் தியாக சிந்தையும் அர்ப்பணிப்பும் அவரிடத்தே குடிகொண்டிருந்தன. உதைபந்தாட்ட அணிகளிற்கும் மெய்வல்லுநர் அணிகளிற்கும் பயிற்சியளிக்கும்போதும் போட்டிகளின்போதும் என்னுடன் கூட இருந்து செயற்பட்டதையும் மாணவரின் உடல் ஆரோக்கியத்தை வளர்த்தெடுக்க போசாக்கு வழங்க தான் செயலாளராகப் பதவி வகித்த பழைய மாணவர் சங்கத்தின் ஊடாக நடவடிக்கை எடுத்தமையையும் என்னால் மறக்க முடியாது.

புதிய சாதனைகள் புரிதல் மூலமாகவே பாடசாலையை வளர்ச்சிப் போக்கில் கொண்டு செல்ல முடியும் என்பதனை உறுதியாக நம்பி செயற்பட்டவர். பல்வேறுபட்ட இடர்களிற்கு மத்தியிலும் அமைதியான போக்குடன் நிதானமாகச் செயற்பட்டு பழைய மாணவ சங்கத்தை வழிநடத்தி வெற்றி கண்டவர்.

அன்னாருடைய ஆத்மா சாந்தி அடைய எல்லாம் வல்ல இறைவனைப் பிரார்த்திக்கின்றேன்.

திரு.ஆ.ஜெகதீஸ்வரன்
அதிபர்
யா-நவாலி சென்ற் பீற்றர்ஸ் றோ.க.த.க பாடசாலை
(அமரர் அவாகள் பழைய மாணவர் சங்க செயலாளராகக் கடமையாற்றிய காலத்தில் விளையாட்டுத்துறைப் பொறுப்பாசிரியர்)