தலைவர்ஃசெயலாளர்ஃபொருளாளர்,
பழைய மாணவர் சங்கம் கனடாக் கிளை,
கனடா.

வாழ்த்துச்செய்தி

பழைய மாணவர் சங்கக் கனடாக் கிளையின் ஆறாவது ஆண்டுப் பொதுக்கூட்டமும் புதிய நிர்வாக சபைத் தெரிவும் சென்ற 30.06.2018 அன்று மு.ப 9.30 மணிக்கு கனடா செல்வச் சந்நிதி முருகன் கோவிலில் சிறப்பாக நடந்தமையையிட்டு பாடசாலைச் சமூகத்தின் சார்பில் பாராட்டுக்களைத் தெரிவித்துக் கொள்கின்றேன்.

எமது பாடசாலையின் வளர்ச்சியில் அயராது உழைத்து மென்மேலும் வளர்க்க வேண்டும் என்னும் உணர்வுடன் செயற்படும் கனடா வாழ் பழைய மாணவர்களின் செயற்பாடுகள் எண்ணிலடங்காதவை. தங்களது சேவையினால் எமது பாடசாலை துரித வளர்ச்சியடைந்துள்ளது என்று கூறினால் மிகையாகாது. இவ்வாறு எமது பாடசாலையானது சிறப்பான பாடசாலையாக திகழ பாடசாலைக்கு நேரில் வருகை தந்தும், தொலைபேசி மூலமாகவும் நெருக்கமான தொடர்பினை ஏற்படுத்தி ஆக்கமும் ஊக்கமும் தந்த கனடா வாழ் காரை மக்களின் ஒத்துழைப்பும் அனுசரணையும் மிகப்பெரியது.

இச்சந்தர்ப்பத்தில் முன்னைய நிர்வாகத்தின் சிறப்பான பணியிiயும் பாடசாலைக்கு எமது உதவிகள் சார்ந்து வழங்கியிருந்த ஒத்துழைப்பினையும் பாராட்டி வாழ்த்துக்களைத் தெரிவித்துக் கொள்வதோடு புதிய நிர்வாகம் சிறப்பாக செயற்பட ஈழத்துச்சிதம்பரத்தில் வீற்றிருக்கும் இறைவனை வேண்டுகின்றேன்.

நன்றி.

திருமதி சிவந்தினி வாகீசன்
அதிபர்