எமது கல்லூரியில் சுற்றாடல் முன்னோடி 1வது குழு மாணவர்களுக்கான தங்க வர்ணப் பதக்கம் வழங்கிக் கௌரவிக்கும் நிகழ்வு 21.09.2018 அன்று காலை 8.30 மணிக்கு நடராஜா ஞாபகார்த்த மண்டபத்தில் கல்லூரி அதிபர் திருமதி சிவந்தினி வாகீசன் தலைமையில் மிகச் சிறப்பாக நடைபெற்றது.

2013ம் ஆண்டு எமது பாடசாலையில் முதன்முதலாக முன்னைய அதிபர் திருமதி வாசுகி தவபாலன் தலைமையில் முதலாவது குழு ஆரம்பிக்கப்பட்டது. இன்று வரை எமது பாடசாலையில் 7 குழுக்கள் ஆரம்பிக்கப்பட்டு செயற்படு நிலையில் உள்ளது. கடந்த ஆண்டு சுற்றாடல் முன்னோடி தேசிய பாசறை நிகழ்வில் பங்குபற்றி செல்வி அமிர்தா ஆனந்தராசா அவர்கள் தங்கவர்ணப்பதக்கத்தினைப் பெற்றுக்கொண்டார். எமது பாடசாலையில் 10 மாணவர்களுக்கு தங்க வர்ணப் பதக்கம் வழங்கிக் கௌரவிக்கும் நிகழ்வு அன்றைய தினம் இடம்பெற்றது.