பாடசாலையின் ஆசிரியர் தினம் 2018.10.05 வெள்ளிக்கிழமை அன்று காலை 10.00 மணிக்கு நடராசா ஞாபகார்த்த மண்டபத்தில் கனடா பழைய மாணவர் சங்கத்தினரின் அனுசரணையுடனும் கல்லூரியின் உயர்தர மாணவர் மன்றத்தின் நெறிப்படுத்தலிலும் கல்லூரி அதிபர் திருமதி சிவந்தினி வாகீசன் அவர்களின் வழிப்படுத்தலிலும் நிகழ்வானது வெகு சிறப்பாக கொண்டாடப்பட்டது.

ஆசிரியர் தினத்தின் முக்கியத்துவம் கருதி ஆசிரியர்களின் சேவை முன்னிலைப்படுத்தப்பட்டு அவர்களை கௌரவித்து ஊக்குவிக்கும் செயற்பாடுகளிற்கு பழைய மாணவர் சங்கம் அனுசரணை வழங்கி வருகின்றது. உயர்தர மாணவர் மன்றத்தின் தலைவர் செல்வன் காந்தரூபன் மயூரன் தலைமையில் நடைபெற்ற இந்நிகழ்விற்கு எமது பாடசாலையின் பழைய மாணவரும், பழைய மாணவர் சங்கத்தின் உப தலைவரும், ஓய்வு நிலை அதிபருமான கலாபூஷணம் பண்டிதர் மு.சு வேலாயுதபிள்ளை அவர்கள் பிரதம விருந்தினராகவும், எமது பாடசாலையின் பழைய மாணவியும் பாடசாலை அபிவிருத்திச் சங்கச் செயலாளரும், காரைநகர்ப் பிரதேச விவாகப் பிறப்பு இறப்பு பதிவாளருமான திருமதி நிரஞ்சினி திருச்செந்தூர்நாதன் அவர்கள் சிறப்பு விருந்தினராகவும் கலந்துகொண்டு நிகழ்வினை சிறப்பித்திருந்தனர்.

அறிவு என்னும் ஞான ஒளியை மாணவர்களுக்கு ஊட்டும் ஆசிரியர்கள் அனைவருக்கும் பரிசில் வழங்கப்பட்டதுடன் மலர் மாலை அணிந்தும் ஆசிரியர்கள் கௌரவிக்கப்பட்டதுடன், மாணவர்களினால் ஏற்பாடு செய்யப்பட்டிருந்த மதிய போசன விருந்திலும், விருந்தினர்களுடன் கலந்து கொண்டு அகமகிழ்ந்திருந்தனர். இந் நிகழ்விற்கு முழுமையாக அனுசரணை வழங்கிய கனடா பழைய மாணவர் சங்கத்தினருக்கு அதிபர் திருமதி. சிவந்தினி வாகீசன் அவர்கள் தமது மனமார்ந்த நன்றியை பாடசாலை சார்பாகத் தெரிவித்தார்.

விழாவில் எடுக்கப்பட்ட படங்கள் சிலவற்றைக் கீழே காணலாம்.