உலக சமாதான தினத்தையொட்டி மாகாண மட்டத்தில் நடத்தப்பட்ட போட்டிகளில் கலாநிதி.ஆ.தியாகராசா ம.ம.வித்தியாலய மாணவர்கள் வெற்றிக் கிண்ணங்களைப் பெற்றுக் கொண்டனர்.

மாகாண மட்டத்தில் நடைபெற்ற உலக சமாதான தின நிகழ்வு யா-வேலணை மத்திய கல்லூரியில் நடைபெற்ற போது விவாதப் போட்டியில் வெற்றி பெற்ற மாணவர்களுக்கும் பாடசாலைக்கும் வெற்றிக் கிண்ணம் வழங்கி கௌரவிக்கப்பட்டது.

மாகாண மட்டத்தில் நடைபெற்ற விவாதப் போட்டியில் எமது கல்லூரி இரண்டாம் இடத்தைப் பெற்றுக் கொண்டது. இவ்விவாத அணியில் செல்வன்.க.வினோதன், செல்வன்.ச.பிரதீபன், செல்வி.உ.பிரியங்கா ஆகியோர் பங்குபற்றி எமது கல்லூரிக்கு வெற்றியைப் பெற்றுக் கொடுத்துள்ளனர்.

சமாதானம் என்ற தொனிப்பொருளில் நடைபெற்ற கலை நிகழ்வில்(கோலாட்டம்) பங்குபற்றிய மாணவர்களுக்கும் பரிசில்களும் பாடசாலைக்கு நினைவுக் கேடயமும் வழங்கிக் கௌரவிக்கப்பட்டது.

பாடசாலை மட்ட உலக சமாதான தின நிகழ்வு அதிபர் திருமதி.வாசுகி தவபாலன் தலைமையில் நடராசா ஞாபாகார்த்த மண்டபத்தில் நடைபெற்றது. கோட்டக் கல்விப் பணிப்பாளர் திரு.பு.சிறிவிக்கினேஸ்வரன் இந்நிகழ்வில் பிரதம அதிதியாகக் கலந்து கொண்டு சிறப்பித்திருந்தார்.

மேற்படி போட்டிகளில் பங்குபற்றி வெற்றியீட்டிய மாணவர்களையும் நெறிப்படுத்திய ஆசிரியர்களையும் இந்த நிகழ்வில் பாராட்டி கௌரவிக்கப்பட்ட போது எடுக்கப்பட்ட படங்களைக் கீழே காணலாம்.